ވެމްކޯގެ މުވައްޒިފަކު ގެއެއްގެ ތެރެއަށް ބޮޑުކަމުދިއުމުން ސަސްޕެންޑްކޮށްފި

ވެމްކޯގެ މުވައްޒިފަކު ކުނިނަގަން ގެއަކަށް ވަދެ އެގެއަށް ބޮޑުކަމު ގޮސްވައިވާ މަންޒަރުތަކެއް ސޯޝަލް މީޑިއާގައި އާންމުވުމުން ވެމްކޯއިން އޭނާ ސަސްޕެންޑްކޮށްފި އެވެ. ސޯޝަލް މީޑިއާގައި އިއްޔެރޭ މީހަކު އާންމު ކޮށްފައިވަނީ ދެ ވީޑިއޯ އަކާއި ފޮޓޯއެކެވެ. ފުރަތަމަ ވީޑިއޯއިން ފެންނަނީ ވެމްކޯގެ މުވައްޒިފަކު ގެއެއްގެ ލިފްޓު ކައިރީގައި ހުރުމަށް ފަހު އެގޭގެ ސިޑި ފުރަގަހަށް ގޮސް ކުދައިރުކޮޅެއްފަހުން ނުކުންނަ މަންޒަރެވެ. އަދި އެމީހާ ލިފްޓްކައިރިއަށް އެނބުރި ދިއުމަށް ފަހު އޭނާގެ ބެލްޓު ރަނގަޅު ކޮށްލާ މަންޒަރު ފެނެއެވެ. ދެވަނަ ވީޑިއޯއިން ފެންނަނީ ސިޑި ކައިރީގައި ބޮޑުކަމު ގޮސްފައިވާ މަންޒަރެވެ. [embed]https://twitter.com/WAMCOmv/status/1617469524600852483?s=20&t=kJLVaF13ZwlfCXQtvkEfPg[/embed] ވެމްކޯއިން މިއަދު ނެރުނު އެބަޔާނުގައި ބުނީ އެ މައްސަލަ ބަލަމުން އަންނަ ކަމަށާއި ވީޑިއޯއިން ފެންނަ މުވައްޒަފު  މިހާރު ސަސްޕެންޑް ކޮށްފައައިވާ ކަމަށެވެ. އެ ފަދަ އަމަލުތަކަކީ ވެމްކޯއިން އެއްވެސް ވަރަކަށް ބަލައިގަންނާނެ އަމަލުތަކެއް ނޫންކަމަށާއި އެފަދަ ކަމެއް ތަކުރާރު ވިޔަނުދިނުމަށް ކުރެވެން އޮތް ހުރިހާކަމެއް އެކުންފުނިން ކުރިއަށް އޮތްތަނުގައި ކުރާނެކަމަށް ވެސް އެ ބަޔާނުގައި ބުންޏެވެ.