ވިއްސާރާގައި ބުރިޖާއި ހައިވޭގައި ދުއްވާއިރު ސަމާލުވުމަށް ފުލުހުން އިލްތިމާސްކޮށްފި

ވިއްސާރާގައި ސިނަމާލެ ބްރިޖު އަދި ހައިވޭއިން ދަތުރުކުރައްވާއިރު، ތިމާއާއި އަނެކުންގެ ސަލާމަތާއި ރައްކާތެރިކަމަށްޓަކައި އުޅަނދު ފަހަރު ދުއްވާ ފަރާތްތަކުން ސާމާލުވުމަށް ފުލުހުން އިލްތިމާސްކޮސްފިއެވެ. "ސިނަމާލެ ބްރިޖު އަދި ހައިވޭއިން ދަތުރުކުރައްވާއިރު ތިމާއާއި އަނެކުންގެ ސަލާމަތާއި ރައްކާތެރިކަމަށް ބަލައިގެން އުޅަނދު ދުއްވުމަށް އިލްތިމާސްކުރަން" ފުލުހުންގެ ފަރާތުން އެކްސް ގައި ކޮސްފައިވާ ޕޯސްޓެއްގައި ބުންފައިވެއެވެ. އަދި އޭގެ އިތުރުން ސައިކަލު ދުއްވާއިރު ކުޑަނަގައިގެން ނުދުއްވުމަށާއި، ފަސޭހައިން ހަލާކުވެ ވަޔާދާ ފަދަ ވަރޭ ކޯޓު ބޭނުންނުކުރުމަށާއި، އަދި ހެލްމެޓު ވަޔާ ނުދާނޭހެން ރަނގަޅަށް އެޅުމަށް ވެސް ފުލުހުން އެދިފައިވެއެވެ. އަދި އޭގެ އިތުރުން ބޯކޮށް ވާރޭ ވެހޭއިރު ހެޑް ލައިޓް ދިއްލައިގެން ދުއްވުމަކީ ވެސް ރައްކާތެރި ވުމަށް އެޅިދާނެ ފިޔަވަޅެއްކަމަށް ފުލުހުން ބުނެފައިވެއެވެ.