
ވޭމަންޑޫ އާ ކިނބިދޫ ގުޅާލުމުން، ކިނބިދޫ ދަރިވަރުންނަށް މަތީތައުލީމު ހޯދުމަށް ފަސޭހަވެގެންދާނެ: ރައީސް
ވޭމަންޑޫ އާ ކިނބިދޫ ގުޅާލުމުން، ކިނބިދޫ ދަރިވަރުންނަށް މަތީތައުލީމު ހޯދުމަށް ފަސޭހަވެގެންދާނެ: ރައީސް
ލިޔުން:
ތ.އަތޮޅު ކިނބިދޫ އާއި ވެމަންޑޫ ކޯޒްވޭއަކުން ގުޅާލުމުން ކިނބިދޫގެ ދަރިވަރުންނަށް މަތީ ތައުލީމު ހޯދުމަށް ވަރަށްބޮޑު ލުއިފަސޭހަކަމެއް ލިބިގެންދާނޭކަމަށް ރައީސުލްޖުމްހޫރިއްޔާ ޑރ.،މުހައްމަދު މުއިއްޒު ވިދާޅުވެއްޖެއެވެ.
ރައީސް ޑރ.މުއިއްޒު އާއްމު ރައްޔިތުންގެ ސުވާލުތަކަށް ޖަވާބުދެއްވުމަށް ކުރިއަށްގެންދާ "ރައީސްގެ ޖަވާބު" ޕްރޮގްރާމުގައި ތ. ކިނބިދޫ، ނަރުގިސް ވިލާ، ޢާއިޝަތު ވަސީލާ ކުރި ސުވާލުގެ ޖަވާބުގައި ރައީސް ވިދާޅުވީ ކިނބިދޫ އާ ވޭމަންޑޫ ކޯޒްވޭއަކުން ގުޅާލުމުން ކިނބިދޫގައި އުޅޭ ކުދިންނަށް މަތީ ތައުލީމް ހޯދުމަށް ހުރި ގޮންޖެހުންތަކަށް ހައްލެއް ލިބިގެންދާނޭ ކަމަށެވެ.
ރައީސް ވިދާޅުވީ ކިނބިދޫގައި އޭލެވެލްއަށް ކިޔެވެން ނެތްނަމަވެސް ވޭމަންޑޫ އާ ކޯޒްވޭއަކުން ގުޅާލެވިގެން ދިއުމުން އެކަމަށް ހައްލެއް ލިބިގެންދާނޭ ކަމަށެވެ.
" ވޭމަންޑޫ އާ ކިބިނބިދޫ ކޯޒްވޭއަކުން ގުޅާލެވުނީމައި އެއްކަމަކަށް އެއްގަމުން އެރަށަށް ދެވޭގޮތްވީ. އޭރުން އެއްފަސްވީ. އެއްފަސްވީމައި ލިބޭނެ ފައިދާތައް ހުންނާނެ. ތައުލީމު ހާސިލްކުރުމަށްވެސް" ރައީސް ވިދާޅުވިއެވެ.
https://twitter.com/governmentmv/status/1755879295560339964
ޢާއިޝަތު ވަސީލާ ވަނީ ޔުނިވަރސިޓީ ނުވަތަ ކެމްޕަހެއް ނެތުމުން އެކަމުގެ ދަތިކަމާއި ގުޅޭގޮތުންވެސް ސުވާލުކޮށްފައެވެ. އެ ސުވާލުގެ ޖަވާބުގައި ރައީސް ވިދާޅުވީ އެއްފަސްވެގެން ދިއުމުން ޔުނިވަރސިޓީއެއް ނުވަތަ ކެމްޕަހެއް ވިއަސް ގާއިމްކުރެވިގެންދާނޭކަމަށާއި، އޭރުން އެހެން ރަށްރަށުންވެސް ދަރިވަރުން އަންނާނޭ ކަމަށެވެ.
ކިނބިދޫ އާއި ވޭމަންޑޫ ގުޅާލުމަކީ އެ ދެ ރަށުގެ ރައްޔިތުން ކުރަމުން އަންނަ އުއްމީދެކެވެ. ހާއްސަ ގޮތެއްގައި މިއީ ކިނބިދޫގެ ރައްޔިތުންގެ ވަރަށްބޮޑު އުއްމީދެކެވެ.
ކިޔުންތެރިންގެ ސަމާލުކަމަށް

އަބްދުﷲ ޝާހިދުގެ ބަންދަށް 30 ދުވަސް ޖަހައި

މަސްތުވާތަކެތީގެ މައްސަލައެއްގައި އަންހެނަކާ 3 ފިރިހެނަކު މާލެއިން ހައްޔަރުކޮށްފި

ކުޑަ ކުއްޖަކާ ބެހުނު މައްސަލައެއްގައި އަބްދުﷲ ޝާހިދު ހައްޔަރުކޮށްފި

ރަތްޔިތުންގެ ވޯޓަކާ ނުލައި ރަސްމާލެ ވިއްކާލާނަމަ އިހުތިޖާޖުކުރަން އެމްޑީޕީ އިން ނިންމައިފި

އިޓްލޮސް މައްސަލާގައި ކަނޑުން ބައެއް ގެއްލުނީ އިހުމާލުންތޯ ބަލަން ކޮމިޝަނެއް އުފައްދައިފި

ސްކޭމްކޮށްގެން ފައިސާ ފޭރޭ ކަމުގެ ތުހުމަތުގައި 4 މީހަކު ހައްޔަރުކޮށްފި
ޚިޔާލުތައް (0)
މި ލިޔުމަށް އަދި އެއްވެސް ޚިޔާލެއް ޝާއިޢުކުރެވިފައެއް ނެތް. ފުރަތަމަ ޚިޔާލު ފާޅުކުރައްވާ ފަރާތަކަށް ވެލައްވާ!
