އާބަންކޯއިން ހިޔާ ފްލެޓްގައި ދިރިއުޅޭމީހުންނަށް އުމްރާ ޕްރޮމޯޝަނެއް ފަށައިފި

ހުޅުމާލޭ ހިޔާ ފްލެޓްތަކުގައި ދިރިއުޅޭ ފަރާތްތަކަށް ހާއްސަ ކޮށްގެން އާބަންކޯއިން އުމްރާ ޕްރޮމޯޝަނެއް ފަށައިފިއެވެ. އާބަންކޯއިން ކުރި ޓްއީޓެއްގައި ބުނެފައި ވަނީ، މި ޕްރޮމޯޝަންގެ ދަށުން ކޮންމެ ތިން މަހަކުން ދެ ނަސީބުވެރިންނަށް އުމްރާ ދަތުރު ދޭން އެ ކުންފުނިން ނިންމާފައިވާ ކަމަށެވެ. މި ޕްރޮމޯޝަނުގައި އުމްރާ ދަތުރު ލިބެނީ ކޮންމެ މަހެއްގެ 10 ވަނަ ދުވަހުގެ ކުރިން ފްލެޓުގެ ކުލިދައްކާ ފަރާތް ތަކުގެ ތެރެއިން ގުރުއަތުން ހޮވޭފަރާތަކަށް ކަމަށް ވެސް އާބަންކޯއިން ވަނީ ބުނެފައެވެ. އާބަންކޯ އިން ބުނީ، ފްލެޓްތަކުގެ ކުލީގެ އޯވަޑިއުއެއްވާ ނަމަ، ޕޭމަންޓް ޕްލޭންގެ ދަށުން ގަވައިދުން 6 މަސް ވަންދެން ކުލި ދެއްކުމުން މި ޕްރޮމޯޝަންގައި ބައިވެރިވެވޭނެ ކަމަށެވެ. މީގެ އިތުރުން އާބަންކޯއިން ވަނީ އުމްރާ ދަތުރަކަށް ދިއުމުގެ މިފަދަ ފުރުސަތު ދޫކޮށް ނުލުމަށް ވެސް ފްލެޓުގައި ދިރިއުޅޭފަރާތަކަށް އެދިފައެވެ. https://twitter.com/hdcmaldives/status/1665325533868195840?ref_src=twsrc%5Etfw%7Ctwcamp%5Etweetembed%7Ctwterm%5E1665325533868195840%7Ctwgr%5E4470e98fee8893aeb9a1b351a21ad5563b9aa2e2%7Ctwcon%5Es1_&ref_url=https%3A%2F%2Fvaguthu.mv%2Fnews%2F882299%2F ހިޔާ ފްލެޓުގައި ދިރިއުޅޭ މީހުންގެ ކުލި ނުދައްކާ މައްސަލަ ފެންމަތިވެފައިވާއިރު، ފްލެޓުގައި ދިރިއުޅޭ އެންމެންގެ ޝަކުވާއަކީ ފްލެޓުގެ އަގުބޮޑު ވުމުގެ މައްސަލައެވެ. އެގޮތުން މިދިޔަ މަހުގެ 11 ވަނަ ދުވަހު ސަރުކާރުން ވަނީ ހިޔާ ފްލެޓް އަށް ކޮންމެ މަހަކު 5،300 ރުފިޔާ ކުލީގެ ގޮތުގައި ދެއްކުމަށް 7 އަހަރު ދުވަހުގެ ލުޔެއްދީފައެވެ. އަދި އަދާކުރަންޖެހޭ މުއްދަތު 25 އަހަރުން 27 އަހަރަށް އިތުރުކޮށްފައެވެ.