އުމްރާއަށް މީހުންގެންދަން، ޕްރޮޕޯސަލް ހުށަހެޅުމުގެ ފުރުސަތު ހުޅުވާލައިފި

ދިވެހިރާއްޖެއިން އުމްރާއަށް މީހުން ގެންދިއުމަށް ޝައުޤުވެރިވާ ފަރާތްތުން އެކަމަށް އެދި ޕްރޮޕޯޒަލް ހުށަހެޅުމުގެ ފުރުސަތު އިސްލާމިކް މިނިސްޓްރީއިން ހުޅުވާލައިފި އެވެ. މިއަދު އިސްމާމިކް މިނިސްޓީއިން ކުރި އިއުލާނެއްގައި ބުނީ، 23 މޭ 2023 ވާ އަންގާރަ ދުވަހުގެ ނިޔަލަށް އެފުރުސަތު ހުޅުވާލާފައިވާ ކަމަށެވެ. އެ މިނިސްޓްރީ އިން ބުނީ، ޕްރޮޕޯޒަލް ހުށަހެޅޭނީ ދިވެހިރާއްޖެއިން މީހުން އުމްރާއަށް ގެންދިއުމާ ބެހޭގޮތުން 9 ފެބުރުވަރީ 2022 ގައި ގެޒެޓް ކޮށްފައިވާ "ދިވެހިރާއްޖެއިން އުމްރާއަށް މީހުން ގެންދިއުމާބެހޭ އުސޫލު" ގެ 5 ވަނަ މާއްދާގައި ބުނެފައިވާ ޝަރުތު ފުރިހަމަވާ ކުންފުނި ތަކަށް އެކަނި ކަމަށެވެ. އެ ޝަރުތުތައް ބުނާގޮތުން އުމްރާއަށް ގެންދަން ރަޖިސްޓްރީ ކުރާ ކުންފުންޏަކީ ސައްތައިން ސައްތަ ދިވެހިން ހިއްސާވާ ކުންފުންޏަކަށް ވާންޖެހެއެވެ. އަދި ކުންފުނީގެ ޑިރެކްޓަރުންގެ ކުށުގެ ރިކޯޑު އޮވެގެން ވެސް ސާފުކުރަންޖެހެއެވެ. ޢުމްރާއަށް މީހުން ގެންދިޔުމުގެ ހުއްދައަށް އެދި ހުށަހަޅަންޖެހޭ މާދަމާ އިން ފެށިގެން އިސްލާމިކް މިނިސްޓްރީގެ ވެބަސައިޓުހައި ހުންނާނެ ކަމަށާއި ޕްރޮޕޯޒަލް ހުށަހަޅާނީ ސިޓީއުރައެއްގައި ބަންދުކޮށް، ސިޓީ އުރައިގެ ބޭރުގައި "ދިވެހިރާއްޖެއިން ޢުމްރާއަށް މީހުން ގެންދިއުމުގެ ހުއްދައަށް އެދި"  މިހެން ލިޔެފައި ކަމަަށް މިއަދު ކުރި އިއުލާނު ގައި ވެއެވެ.