ގައުމަށާއި ރައްޔިތުންނަށް ނަފްރަތު ލިބިދޭގޮތަށް އަމަލުކުރި ސަރުކާރުގެ އިސް އޮފިޝަލުން މަގާމުތަކުން ވަކިކުރުމަށް އެމްޑީޕީ އިން ގޮވާލައިފި

އަވަށްޓެރި އިންޑިއާގެ ބޮދުވަޒީރަށް އިހާނަތިކޮށް ސޯޝަލް މީޑިއާގައި ލިޔަމުންގެންދެވި މި ސަރުކާރަށް ނިސްބަތްވާ ސީނިއާރ އޮފިޝަލުން މިހާރުން މިހާރަށް މަގާމުތަކުން ވަކިކުރުމަށް މޯލްޑިވިއަން ޑިމޮކްރަޓިކް ޕާޓީ އިން ގޮވާލާފިއެވެ. މިގޮތަށް ގޮވާލާފައި އެޕާޓީން ނެރެފައިވާ ނޫސްބަޔާނުގައި އިތުރަށް ބަޔާންކޮށްފައިވަނީ ރާއްޖެއަކީ ސުލްހަ މަސަލަސްކަމަށް ލޯބިކުރާ ދޭދޭ ގައުމުތަކާއެކީ އަބަދުވެސް އެކުވެރިކަން ބާއްވަމުން އަންނަ ގައުމެއްކަމަށާއި، ސިޔާސީ މަންފާއެއް ހޯދުމަށް ޕީޕީއެމް.ޕީއެންސީ ގެ އިސްފަރާތްތަކުން ފަށާފައިވާ ރުޅިވެރިކަމުގެ ކެމްޕެއިން ފުޅާވެ ހާރިޖީ ގުޅުންތަކަށް އެކަމުގެ ކިލަބުކަން މިހާރުވަނީ ކުރިމަތިވާން ފަށާފައިކަމަށް ވެސް ބަޔާންކޮށްފައިވެއެވެ، އަދި އެދަފަ ދިންމާދާރުކަންކުޑަ ގައުމަށާއި ރައްޔިތުންނަށް ގެއްލުންވާފަދަ އަމަލުތަށް އެޕާޓީން ކުއްވެރިކުރާކަމަށްވެސް ބަޔާންކޮށްފައިވެއެވެ. އިންޑިއާގެ ބޮޑުވަޒީރަށާއި އެގައުމަށް ކުޑާމީސްކޮށް ޝުއޫރު ފާޅުކުރި މައްސަލަ މިހާރު ވަނީ ވަރަށް ބޮޑަށް ހޫނުވެފައެވެ. މި މައްސަލައިގައި ސަރުކާރު ހޫނު ފެނަށް ވެއްޓުމާއެކު ސިޔާސީ މަޤާމްތަކުގައި ތިއްބެވި 3 ފަރާތެއް ވަނީ ސަސްޕެންޑްކޮށްފައެވެ.