
ރައީސްގެ ހއ އަތޮޅު ދަތުރުފުޅާ ދިމާކޮށް ރަށްރަށުގައި މުޒާހަރާ ކުރަން އިދިކޮޅުން މާލޭގައި މުޒާހަރާ ޓީމު ގެންދަނީ!
ރައީސްގެ ހއ އަތޮޅު ދަތުރުފުޅާ ދިމާކޮށް ރަށްރަށުގައި މުޒާހަރާ ކުރަން އިދިކޮޅުން މާލޭގައި މުޒާހަރާ ޓީމު ގެންދަނީ!
ލިޔުން:
ރައީސުލްޖުމްހޫރިއްޔާ ހއ އަތޮޅަށް މާދަމާ ކުރައްވާ ދަތުރުފުޅާ ދިމާކޮށް އެމަނިކުފާނާ ދެކޮޅަށް މުޒާހަރާ ކުރަން މާލޭގައި މުޒާހަރާ ކުރާ ޓީމު ހއ އަތޮޅަށް ގެންދާ ކަމަށް މައުލޫމާތުލިބިއްޖެއެވެ.
މިނިވަން ނޫހަށް މައުލޫމާތު ލިބިފައިވާ ގޮތުގައި އިދިކޮޅުން މާލޭގައި މުޒާހަރާތަކުގައި އިސްކޮށް ހަރަކާތްތެރިވާ އެކްޓިވިސްޓުން މިހާރު ވަނީ ހއ. އަތޮޅަށް ގޮސްފައެވެ. ބޭނުމަކީ ރަށްރަށުގައި އެމަނިކުފާނާ ދެކޮޅަށް އަޑުއުފުލައި އެމަނިކުފާނުގެ ރިޔާސީ ކެމްޕެއިނަށް ހުރަސް އެޅުން ކަމަށް މައުލޫމާތު ލިބެއެވެ.
ކުރިއަށްއޮތް ރިޔާސީ އިންތިހާބަށް ކެމްޕެއިން ކުރެއްވުމަށް ރައީސް ސޯލިހު ވަނީ މެދުރާއްޖެތެރޭގެ ވ.މ. އަދި ފ އަތޮޅަށް ޒިޔާރަތް ކުރައްވާފައެވެ. މިރަށްރަށުން އެމަނިކުފާނަށް ހޫނު މަރުހަބާއެއް ކިޔައި ބޮޑު ތަރުހީބެއް ލިބިގެންގޮސްފައިވާއިރު، ރައީސްގެ މިދަތުރުފުޅުގައި ރައްރަށުގެ ތަރައްޤީގެ އާ މަޝްރޫޢުތައް އިފްތިތާހުކުރެއްވުމާއި، ނިމިފައިވާ މަޝްރޫއުތައް ހުޅުއްވައިދެއްވުމަކީ އިދިކޮޅަށް ބަލަން އެހާ ފަސޭހަ އަދި ހަޖަމްކުރަން އެހާ ފަސޭހަ މަންޒަރުތަކެއް ނޫންކަމަށް އިދިކޮޅުގެ އެކްޓިވިސްޓަކު ބުންޏެވެ. އެހެންކަމުން ރަށްރަށުގައި މުޒާހަރާކޮށް އެމަނިކުފާނާ ދެކޮޅަށް އަޑުއުފުލާނެ މީހަކު ނެތުމުން "އިންޑިއާ އައުޓް"އާ ދެކޮޅަށް މާލޭގައި މަދު ބަޔަކު ކުރާ މުޒާހަރާތަކުގައި އިސް ސަފުގައި ހަރަކާޔްތެރިވާ މީހުން ރަށްރަށަށް ގެންގޮސް ރައީސާ ދެކޮޅަށް މުޒާހަރާ ކުރުމަށް ރާވާފައިވާ ކަމަށް މައުލޫމާތު ލިބެއެވެ.
ރިޔާސީ ކެމްްޕެއިންގައި މާދަމާ ރައީސް ސޯލިހު ހއ. އަތޮޅަށް ވަޑައިގަންނަވާނެއެވެ. ރިޔާސީ އިންތިހާބަށް ދޮޅުމަހަށް ގާތްވެފައިވާއިރު ރިޔާސީ ކެންޑިޑޭޓަކު ނުދެއްކި އިދިކޮޅުން އުޅެނީ ވިއްސި ވިހާލިވެގެންނެވެ.
ކިޔުންތެރިންގެ ސަމާލުކަމަށް

އަބްދުﷲ ޝާހިދުގެ ބަންދަށް 30 ދުވަސް ޖަހައި

މަސްތުވާތަކެތީގެ މައްސަލައެއްގައި އަންހެނަކާ 3 ފިރިހެނަކު މާލެއިން ހައްޔަރުކޮށްފި

ކުޑަ ކުއްޖަކާ ބެހުނު މައްސަލައެއްގައި އަބްދުﷲ ޝާހިދު ހައްޔަރުކޮށްފި

ރަތްޔިތުންގެ ވޯޓަކާ ނުލައި ރަސްމާލެ ވިއްކާލާނަމަ އިހުތިޖާޖުކުރަން އެމްޑީޕީ އިން ނިންމައިފި

އިޓްލޮސް މައްސަލާގައި ކަނޑުން ބައެއް ގެއްލުނީ އިހުމާލުންތޯ ބަލަން ކޮމިޝަނެއް އުފައްދައިފި

ސްކޭމްކޮށްގެން ފައިސާ ފޭރޭ ކަމުގެ ތުހުމަތުގައި 4 މީހަކު ހައްޔަރުކޮށްފި
ޚިޔާލުތައް (0)
މި ލިޔުމަށް އަދި އެއްވެސް ޚިޔާލެއް ޝާއިޢުކުރެވިފައެއް ނެތް. ފުރަތަމަ ޚިޔާލު ފާޅުކުރައްވާ ފަރާތަކަށް ވެލައްވާ!
