އަދީބުގެ ހާލު ސީރިއަސްވެ ޚާއްސަ ޑޮކްޓަރަކަށް ދައްވައިފި

ކުރީގެ ނައިބް ރައީސް އަދި އެމްޓީޑީގެ ރައީސް އަހުމަދު އަދީބުގެ ހާލު ސީރިއަސްވެ ޚާއްސަ ޑޮކްޓަރަކަށް ދައްކަވައިފިއެވެ. އެމްޓީޑީން ބުނީ އަދީބުގެ ސީރިއަސް އަލާސްކަންފުޅަކާއި ގުޅިގެން ހާއްސަ ޑޮކްޓަރެއްގެ ފަރުވާ ހޯއްދަވާފައެވެ. ‏”2015 އިން 2018 އަށް ބޭސްފަރުވާއިން މަހްރޫމުކޮށް އައިސޮލޭޝަން ޖަލެއްގައި 24 ގަޑިއިރު ތަޅުލައިގެން ދެވުނު އަނިޔާގައި ސިއްހީ އެތައްކަމެއް އަދީބަށް ވަނީ ދިމާވެފައެވެ. އަހުމަދު އަދީބަށް އަވަސް ޝިފާ އަކަށް އެދެމެވެ.” އެމްޓީޑީން ކުރި ޓްވީޓެއްގައި ބުނެފައިވެއެވެ.  އަދީބުގެ ސިއްޚީ އެތައް މައްސަލައެއް ހުރި އިރުވެސް ކުރީގެ ސަރުކާރުން ވަނީ އަދީބުގެ ބޭސްފަރުވާއަށް ވަރަށް ބޮޑަށް އިހުމާލުވެފައެވެ. މި ސަރުކާރު ވެރިކަމަށް އައުމަގުގެ ކުރިން މި ސަރުކާރުގައި އަދީބަށް އެކަށީގެންވާ ބޭސްފަރުވާ ދޭނެކަމަށް ވައުދުވިއެވެ.