ގުރައިދޫ ދާއިރާގެ ބައި އިލެކްޝަން: ވޯޓުލުން ކުރިޔަށް!

ރައްޔިތުންގެ މަޖިލީހުގެ ކ.ގުރައިދޫ ދާއިރާއަށް މެންބަރަކު އިންތިޚާބު ކުރުމަށް ބާއްވާ ބައި އިލެކްޝަންގެ ވޯޓުލުން ފަށައިފިއެވެ. މި އިންތިހާބުގައި ވާދަކުރަނީ 3 ކެންޑިޑޭޓުންނެވެ. އެއީ ދިވެހި ރައްޔިތުންގެ ޑިމޮކްރެޓިކް ޕާޓީ (އެމްޑީޕީ) އާއި, ޕްރޮގްރެސިވް ޕާޓީ އޮފް މޯލްޑިވްސް (ޕީޕީއެމް) އާއި, މޯލްޑިވްސް ނެޝަނަލް ޕާޓީ (އެމްއެންޕީ) އިން ވާދަކުރާ ކެންޑިޑޭޓުންނެވެ. މި އިންތިޚާބުގެ ވޯޓުލުން ފަށާފައިވަނީ މިއަދު 08:00 ގައެވެ. ވޯޓުލުން ކުރިއަށްދާނީ ހަވީރު 16:00 ގެ ނިޔަލަށެވެ. ވާދަކުރައްވާ ކެންޑިޑޭޓުން: ކެންޑިޑޭޓް ނަންބަރު 0 1: ޙުސައިން ރިޟާ، ޝީވީޑް/ކ.ގުރައިދޫ (ޕީޕީއެމް) ކެންޑިޑޭޓް ނަންބަރު 02 : އިބްރާހިމް ޝާޒް، ފައިވްރޯސް/ކ.ގުރައިދޫ. (އެމްޑީޕީ) ކެންޑިޑޭޓް ނަންބަރު 02 : ޢަލީ އަރީފް، ފިޔާތޮށިގެ/ކ.ގުރައިދޫ. (އެމްއެންޕީ) މި އިންތިޚާބުގައި ވޯޓުލުމުގެ ހައްގު ލިބިގެންވަނީ 3423 މީހުންނެވެ. ވޯޓުލުމަށް ޖުމްލަ 06 ފޮށްޓެއް ވަނީ ބަހައްޓައިފައެވެ. މިދާއިރާގައި ހިމެނެނީ ގުރައިދޫގެ އިތުރުން މާފުއްޓާއި ގުޅިއެވެ.