ވެމްކޯއިން މާލެ ސަރަހައްދުގައި ފޯރުކޮށްދޭ ހިދުމަތްތަކުގެ އަގުތަކަށް ބަދަލު ގެނެސްފި

ވެމްކޯއިން މާލެ ސަރަހައްދުގައި ފޯރުކޮށްދޭ ހިދުމަތްތަކުގެ އަގުތަކަށް ބަދަލު ގެނެސްފިއެވެ. ވެމްކޯއާއި މިނިސްޓްރީ އޮފް އެންވަޔަރަންމަންޓް ކްލައިމެޓް ޗޭންޖް އެންޑް ޓެކްނޮލޮޖީ އަދި އިކޮނޮމިކް ކައުންސިލާއި އެކު ކުރެވުނު މަޝްވަރާތަކަށްފަހު، މިމަހުގެ އެއްވަނަ ދުވަހު ވަނީ މާލެ ސަރަހައްދުގައި ފޯރުކޮށްދޭ ހިދުމަތްތަކުގެ އަގުތަކަށް ބަދަލު ގެނައުމަށް ނިންމާފައެވެ. އެ ކޯޕަރޭޝަނުން ކުނި މެނޭޖުކުރުމުގެ ހިދުމަތްތަކަށް ޔުޓިލިޓީ ރެގުއިލޭޓަރީ އޮތޯރުޓީ އިން ފާސްކޮށްފައިވާ އަގުތަކަކީ:

• ގޭބިސީތަކަށް މަހަކު -/150 (ސަތޭކަ ފަންސާސް) ރުފިޔާ
• ވިޔަފާރިތަކާއި ކޮމްޝަން ތަންތަނަށް ލީޓަރަކަށް -/27 (ހަތާވީސް ރުފިޔާ)
• ކޯލް އެންޑް ޕިކަލް ސާވިސްއަށް ޓަނަކަށް -/330 (ތިންސަތޭކަ ތިރީސް) ރުފިޔާ
• ޓްރާންސްފަރ ސްޓޭޝަނަށް ގެންނަ ކުންޏަށް ޓަނަކަށް -/1060 (އެއްހާސް ފަސްދޮޅަސް) ރުފިޔާ
• ދައުލަތުގެ އިދާރަަތަކާއި ސަރުކާރު ހިއްސާވާ ކުންފުނިތަކަށް ޓަނަކަށް -/2660 ( ދެހާސް ހަސަތޭކަ ފަސްދޮޅަސް) ރުފިޔާ/ ލީޓަރަކަށް 1.27 ( އެއް ރުފިޔާ ހަތާވީސް ލާރި)
• ޕްރައިވެޓް ކޮމާޝަލް ކަލެކްޓާރސް އަށް ޓަނަކަށް  -/2660 (ދެހާސް ހަސަތޭކަ ފަސްދޮޅަސް) ރުފިޔާ
• ޓްރާންސްފަރ ސްޓޭޝަނަށް ގެންނަ ކުންޏަށް ކޮންމެ ފަހަރަކު މަތީގައި ބަޔާންކުރެވުނު އަގަށް -/1000 (އެއްހާސް) ރުފިޔާ އިތުރުކުރުން

ވެމްކޯއިން ބުނީ އަލަށް ހަމަޖެއްސި އަގުތައް މިމަހުގެ 20 ވަނަ ދުވަހުން ފެށިގެން ތަންފީޒުކުރަމުން ގެންދާނެ ކަމަށެވެ. އަދި އެ ބަދަލުތަކާއި ގުޅިގެން ގޭބިސީތަކުންނާއި، ވިޔަފާރިތަކާއި، ކޮމާޝަލް ތަންތަނުންނާއި އަދި ކޯލް އެންޑް ޕިކަޕްގެ ހިދުމަތްތަކަމަށް މިހާރު ނަގަމުން އަންނަ އެއްވެސް އަގަކަށް ބަދަލެއް އައިސްފައި ނުވާނެ ކަމަށް ވެސް އެ ކުންފުނިން އަންގައެވެ. މި ބަދަލާއެކު ދައުލަތުގެ އިދާރަަތަކާއި ސަރުކާރު ހިއްސާވާ ކުންފުނިތަކުން ކުނި ނަގާދޭ އަގު ވަނީ ބޮޑުވެފައެވެ. ނަމަވެސް ވިޔަފާރިތަކާއި ގޭބިސީތަކުން ކުނި ނަގާދޭ އަގަށް ބަދަލެއް ގެނެސްފައެއް ނުވެއެވެ.