ސަބްސިޑީ އެންމެނަށް ދިނުން ރަނގަޅެއް ނޫން: މީކާއީލް
ސަބްސިޑީ އެންމެނަށް ދިނުން ރަނގަޅެއް ނޫން: މީކާއީލް
ލިޔުން:
ދައުލަތުގެ ހެލްތު އިންޝުއަރެންސް ނިޒާމު "އާސަންދަ" އާއި ދައުލަތުން ދޭ އެހެން ގިނަ ސަބްސިޑީތައް، ވަކި ބަޔަކު ތަފާތުނުކޮށް، ހުރިހާ އެންމެނަށް އެއް ހަމައަކުން ދިނުމަކީ ރަނގަޅު ގޮތެއް ނޫން ކަމަށް ރައްޔިތުންގެ މަޖިލީހުގެ ގަލޮޅު ދެކުނު ދާއިރާގެ އެމްޑީޕީ މެމްބަރު މީކާއީލް އަހުމަދު ނަސީމު މިއަދު ވިދާޅުވެއްޖެ އެވެ.
އަންނަ އަހަރަށް ލަފާކުރާ ދައުލަތުގެ ބަޖެޓަށް، ރައްޔިތުންގެ މަޖިލީހުގެ މިއަދުގެ ޖަލްސާގައި ކުރި ބަހުސްގައި މީކާއީލް ވިދާޅުވީ ސަބްސިޑީ ދިނުން ދެމެހެއްޓެނިވި ގޮތެއްގައި ކުރިއަށް ގެންދަން ބޭނުން ނަަމަ "ޓާގެޓެޑް ސަބްސިޑީ" ދޭ ގޮތަށް އުސޫލު ބަދަލުކުރަން ޖެހޭ ކަަމަށެވެ. ސަބްސިޑީތައް ހަގީގަތުގައި އެންމެ ހައްގު މީހުންނަށް ފޯރުކޮށްދެވޭނީ އޭރުން ކަމަށް ވެސް އޭނާ ވިދާޅުވި އެވެ.
"[އަޅުގަނޑު ހިތަށް އަރަނީ] ކޮންމެ ދިވެހި ރައްޔިތަކަށް އެ އާސަންދަ އެއް ހަމައެއްގައި ލިބުން އެއީ އެންމެ އާދައިގެ ދިވެހި ރައްޔިތު މީހާއަށް އެންމެ އިންސާފުވެރިގޮތް ތޯއޭ؟ ހަނޑޫ ހަކުރު ފުށަށް ދެވޭ ސަބްސިޑީ މަހުޖަނުންގެ ގެތަކުގައި ތިބޭ ސްޓާފުންނަށް ވެސް ލިބުން އެއީ ހަމަ އިންސާފުވެރިގޮތް ތޯއޭ؟ އެއް ހަމައެއްގައި ބްލޭންކެޓް ސަބްސިޑީސް ތަކުރާރުކޮށް ، ތަކުރާރުކޮށް މި ދައުލަތުން ދެމުން ދިއުން އެއީ ދެމެެހެއްޓެވި ސިފައެއް މި ދައުލަތުގައި ޖެއްސޭނެ ގޮތެއް ބާއޭ،" މީކާއީލް ވިދާޅުވި އެވެ.
އެެއީ ރަނގަޅުގޮތެއް ކަމަށް ގަބޫލުނުކުރެެއްވޭ ކަމަށާއި ރާއްޖެއަކީ މިހާރު ވެސް "ހެވިލީ ސަބްސިޑައިޒްޑް ގައުމަކަށް" ވެފައިވާ ކަމަށް ވެސް އޭނާ ވިދާޅުވި އެވެ. ދައުލަތުން ސަބްސިޑީ ދެމުން އަންނަނީ ނުކުޅަދާނަވާ ވަަރަށް ކަމަށް ވެސް އޭނާ ވިދާޅުވި އެވެ.
އަންނަ އަހަރަށް ލަފާކޮށް ސަރުކާރުން ހުށަހެޅި 42 ބިލިޔަން ރުފިޔާގެ ބަޖެޓަށް ތާއީދުކުރައްވާ ކަމަށާއި އެ ބަޖެޓުން އުއްމީދެއް ލިބިއްޖެ ކަމަށް ވެސް މީކާއީލް ވިދާޅުވި އެެވެ.
ކިޔުންތެރިންގެ ސަމާލުކަމަށް
އާރުޑީސީ އާއި ހަވާލުކުރި ލިންކުރޯޑްގެ މަސައްކަތް ޗައިނާ ކުންފުންޏަކާ ހަވާލުކޮށްފި
މަސްތުވާތަކެތީގެ އޮޕަރޭޝަނެއްގައި ނައިފަރާއި އޮޅުވެލިފުށިން ތިންމީހަކު ހައްޔަރުކޮށްފި
ފުވައްމުލައް ސިޓީއަށް މަސްތުވާތަކެތި އެތެރެކުރަން އުޅުނު އުމުރުން ދުވަސްވީ މީހަކު ހައްޔަރުކޮށްފި
މަސްތުވާތަކެތީގެ ނެޓްވޯކެއްގައި އިސްކޮށް ހަރަކާތްތެރިވާ 2 ބެއިން ހައްޔަރުކޮށްފި
މާފުށީގައި ފުލުހުންގެ ވާޖިބަށް ހުރަސްއެޅި 6 މީހަކަށް ދައުވާކުރަން ފޮނުވައިފި
މަސްތުވާތަކެތީގެ ވިޔަފާރިކުރާ 2 މީހަކު ކަނޑުހުޅުދޫއިން ހައްޔަރުކޮށްފި
ޚިޔާލުތައް (0)
މި ލިޔުމަށް އަދި އެއްވެސް ޚިޔާލެއް ޝާއިޢުކުރެވިފައެއް ނެތް. ފުރަތަމަ ޚިޔާލު ފާޅުކުރައްވާ ފަރާތަކަށް ވެލައްވާ!