އިންޑިއާގައި ރާއްޖޭގެ ޓޫރިޒަމް ޕްރޮމޯޓްކުރުމަށް ކާނިވަލް އެއް ބާއްވައިފި

އިންޑިއާގައި ރާއްޖޭގެ ޓޫރިޒަމް ޕްރޮމޯޓްކުރުމުގެ ކާނިވަލް އެއް ބާއްވައިފި އެވެ. "މޯލްޑިވްސް މަހާއުތާސާވް" ގެ ނަމުގައި އިންޑިއާގެ ގުރުގާއޯންގައި ބޭއްވި ޕްރޮމޯޝަނަލް ކާނިވާ ރަސްމީކޮށް ހުޅުވައި ދެއްވީ އިންޑިއާއަށް ރާއްޖެއިން ކަނޑައަޅުއްވާފައި ހުންނަވާ ސަފީރު، އައިޝަތު އަޒީމާ އެވެ. އެ ކާނިވަލުގައި ރާއްޖޭގެ 17 ރިސޯޓެއްގެ ބޫތުތައް ބަހައްޓާފައި ހުރި ކަމަށާއި އެއިން ކޮންމެ ބޫތަކަށް ޒިޔާރަތް ކުރި މީހުންނަށް ރާއްޖެއާބެހޭ މައުލޫމާތު ދިނުމާއި، ރާއްޖެއާ ގުޅުންހުރި ތަފާތު އެކި ހަރަކާތްތަކުގައި ބައިވެރިވުމުގެ ފުރުސަތު ދީފައިވާކަމަށ އެމްއެމްޕީއާރސީ އިން ބުނެފައިވެއެވެ. ރާއްޖޭގައި ކައިވެނި ހަފުލާތައް ބޭއްވުމަށް ހުރި ފުރުސަތުތައް ދައްކައިލުމަށް އެކާނިވަލުގައި، އިންޑިއާގެ އެންމެ ބޮޑު އެއް އޮންލައިން ޓްރެވެލް ކުންފުނިކަމަށްވާ ޕިކްޔުއާޓްރެއިލް އިން ހާއްސަ ސެޝަންތަކެއް ބާއްވާފައިވާކަމަށްވެސް އެމްއެމްޕީއަރސީއ އިން ބުނެފައިވެއެވެ.