އޭލެވެލް އިމްތިހާނުގެ ނަތީޖާ ދޫކުރަން ފަށައިފި

މިދިޔަ އޮކްޓޫބަރު އަދި ނޮވެމްބަރު މަހު ބޭއްވުނު އޭލެވެލް އިމްތިހާނުގެ ނަތީޖާ މިއަދު ދޫކުރަން ފަށައިފިއެވެ. ޑިޕާޓްމަންޓް އޮފް ޕަބްލިކް އެގްޒަމިނޭޝަން (ޑީޕީއީ) އިން މަޢުލޫމާތު ދެއްވާފައިވާ ގޮތުގައި، ނަތީޖާ ދޫކުރެވޭނީ ދަރިވަރުން އިމްތިހާނު ހެދި ސެންޓަރުތަކުންނެވެ. މި އިމްތިހާނުގައި ޖުމްލަ 4،293 ދަރިވަރުން ބައިވެރިވެފައިވާއިރު، އިމްތިހާނު ބޭއްވިފައިވަނީ ރާއްޖޭގެ 48 ސެންޓަރެއްގައެވެ. މިއީ އެޗްއެސްސީ، އެޑެކްސެލް އަދި ކެމްބްރިޖް އޭލެވެލް ހިމެނޭ ގޮތަށް ބޭއްވުނު އިމްތިހާނެކެވެ. މިނިސްޓްރީ އޮފް އެޑިޔުކޭޝަނުން ހާމަކުރެއްވި ގޮތުގައި، އެޗްއެސްސީ އިމްތިހާނުގައި 1،663 ދަރިވަރުން ބައިވެރިވެފައިވާއިރު، އެޑެކްސެލް އޭލެވެލް އިމްތިހާނުގައި 3،842 ދަރިވަރުންނާއި ކެމްބްރިޖް އޭލެވެލް އިމްތިހާނުގައި 443 ދަރިވަރުން ބައިވެރިވެފައިވެއެވެ. އަމިއްލަ ގޮތުން އިމްތިހާނުގައި ބައިވެރިވި ދަރިވަރުންގެ ނަތީޖާ ދޫކުރާނީ ޑިޕާޓްމަންޓް އޮފް ޕަބްލިކް އެގްޒަމިނޭޝަނުންނެވެ. މިނިސްޓްރީ އޮފް އެޑިޔުކޭޝަނުން މީގެކުރިން ފާހަގަކުރެއްވި ގޮތުގައި، އޯލެވެލް އަދި އޭލެވެލް އިމްތިހާނު ހަދާ ދަރިވަރުންގެ ތެރެއިން ފާސްވާ މިންވަރު އަދިވެސް 50 ޕަސެންޓަށް ނާރައެވެ.