ވަގުފޯމް ހުށަހެޅުމަށް ޑީއެންއާރު ޑާޓާބޭސް ބޭނުންކޮށްފައިވާތީ ހޯމްމިނިސްޓަރ މަޖިލީހަށް ހާޒިރުކުރަނީ

ޕްރޮގްރެސިވް ޕާޓީއަށް މެމްބަރުން އިތުރުކުރުމަށް ވަގުފޯމް ހުށަހެޅުމަށް ޑީއެންއާރު ޑާޓާބޭސް ބޭނުންކޮށްފައިވާތީ ހޯމްމިނިސްޓަރ މަޖިލީހަށް ހާޒިރުކުރަން އެމްޑީޕީ މަޖިލިސްމެމްބަރ މީކާއިލް ނަސީމް ހުށަހަޅައިފިއެވެ. ރައްޔިތުންގެ މަޖިލީހުގެ ގަލޮޅު ދެކުނު ދާއިރާގެ އެމްޑީޕީ މެންބަރު މީކާއީލް ނަސީމު ހުށަހެޅި ވަޒީރުންނާ ސުވާލުކުރުމާބެހޭ ނޯޓިސްގައި ބުނެފައިވަނީ ހޯމް މިނިސްޓްރީގެ ދަށުން ހިންގަމުންދާ ޑިޕާޓްމަންޓް އޮފް ނޭޝަނަލް ރަޖިސްޓްރޭޝަންގެ ޑޭޓާބޭސް ބޭނުންކޮށްގެން މީހުންގެ ޝަހުސު އޮޅުވާލައި ޕީއެންސީއަށް މެންބާޝިޕް ފޯމު ފުރާފައިވާކަން ހާމަވެފައިވާ ކަމަށާއި، އެހެންކަމުން މީހުންގެ ޒާތީ މައުލޫމާތު އިތުރަށް ރައްކާތެރިކުރުމަށް އަޅަނީ ކޮން ފިޔަވަޅެއްތޯއާއި ސައްހަ ނޫން ފޯމުތަކުގައި ހެކިންގެ ގޮތުގައި ސޮއިކޮށްފައިވާ ހޯމް މިނިސްޓްރީގެ އިސްވެރިންނާމެދު އެއްވެސް ފިޔަވަޅެއް އަޅާފައިވޭތޯ ސުވާލުކުރަން އެދިފަ އެވެ. އެކި ފަރާތްތަކަށް ނޭނގި އެފަރާތުގެ ނަމުގައި ސައްހަނޫން ފޯމް ހުށަހަޅާފައިވާ މައްސަލާގައި އިލެކްޝަނަށް ހުށަހަޅާފައިވާ ފޯމް އިލެކްޝަންސް އިން ފޯމް ހީދައި އެފޯމް މީސްމީޑިއާގައި ބައެއް ފަރާތްކަުން ހިއްސާކުރުމަށްފަހު ބުނެފައިވަނީ ފޯމުގައި ޖަހާފައިހުރި ފޮޓޯއަކީ މުއްދަތު ހަމަވެފައިވާ ފޯމުގައި ޖަހާފައިވާ ފޮޓޯކަމަށެވެ.