ވެލާނާ އިންޓަނޭޝަނަލް އެއާޕޯޓުން އެފްކޮމް ކާގޯ އާ ގުޅިގެން ޗާޓާޑް ޝެޑިއުލްޑް ކާގޯ ހިދުމަތް ފަށައިފިއެވެ.
އެފްކޮމް ކާގޯގެ ފުރަތަމަ ފްލައިޓު ރާއްޖެ އައީ އިންޑިޔާގެ ޗެންނާއީ އިންނެވެ. އެ ފްލައިޓުން 20 ޓަނުގެ ކާގޯ އެތެރެ ކޮށްފައިވެއެވެ. އަދި މި ކާގޯ އެކްސްޕޯޓް ކޮށްފައި ވަނީ އިއްތިހާދު އެއާވޭސްގެ ފްލައިޓަކުންނެވެ.
އެފްކޮމް ކާގޯއިން ހަފްތާއަކު ތިން ފްލައިޓު އޮޕަރޭޓްކުރުމަށް ހަމަޖެހިފައިވާއިރު, އެ ހިދުމަތް އިތުރަށް ފުޅާކުރުމަށް ވަނީ ހަމަޖެހިފައެވެ.
އެމްއޭސީއެލުން މިއަދު ބުނީ ވެލާނާ އިންޓަނޭޝަނަލް އެއާޕޯޓު މެދުވެރިކޮށް ކާގޯ މޫވްމަންޓު ހަރުދަނާ ކުރުމަށް ޓަކައި ބޮޑެތި އެއާލައިންތަކާއެކު އިންޓަލައިން އެއްބަސްވުންތައް ގާއިމްކުރުމުގެ މަސައްކަތް ކުރަމުންދާކަމަށެވެ.
