ބޯކޮށް ވާރޭވެހި ފެންބޮޑުވާނެކަމަށް ލަފާކުރެވޭތީ، ވެލިބަސްތާ ޖަހަންފަށައިފި

ބޯކޮށް ވާރޭ ވެހި ފެންބޮޑުވެދާނެކަމަށް ލަފާކޮށް، އާންމުކޮށް ފެންވަދެ ގެއްލުވާކަމަށް ފާހަގަ ކުރެވޭ 56 ގެއެއްގައި ވެލިބަސްތާ ޖަހައިފިއެވެ. ރެއިންފެށިގެން ނެޝަނަލް ޑިޒާސްޓްރ މެނޭޖްމަންޓް އޮތޯރިޓީއާއި މާލޭ ސިޓީކައުންސިލް ގުޅިގެން ވެލިބަސްތާ ޖަހަން ފަށާފައި މިވަނީ އަނެއްކާވެސް ރާއްޖޭގެ އިރުން ހުޅަނގު ދެކުނުން ބޭއޮފް ބެންގާލް ގައި ކޮޅިގަނޑެއް އުފެދިފައިވާތީ، އެ ކޮޅިގަނޑު ހުޅަނގަށް ޖެހި ރާއްޖެ ސަރަހައްދުގައި ބޯ ވިއްސާރަ ވިލާގަނޑެއް އުފެދުމުގެ ފުރުސަތު ބޮޑު ކަމަށް މެޓް އޮފީހުން ލަފާ ކޮށްފައިވާތީއެވެ. މެޓް އޮފީހުން ބުނެފައިވަނީ އެ ކޮޅިގަނޑުގެ ސަބަބުން 13 ޖެނުއަރީ އިން ފެށިގެން 18 ޖެނުއަރީ އާއި ދެމެދު ރާއްޖޭގެ ބޮޑު ބަޔަކަށް ވިއްސާރަ ކުރާނެކަމަށް ލަފާކުރެވޭ ކަމަށާއި، މި ވިއްސާރާގައި ރާއްޖޭގެ ބައެއް ރަށް ރަށްތަކަށް ބޯކޮށް ވާރޭވެހުމާއެކު ގުގުރާނެ ކަމަށާއި، އަދި އާއްމު ވައި ގަދަވެ ކަނޑުތައް ގަދަވާނެކަމަށް ލަފާކުރެވޭ ކަމަށެވެ. މީގެ އިތުރުން އުތުރާއި މެދުރާއްޖެތެރޭގެ ބައެއް ތރަށްތަކަށް އުދައިގެ އަސަރުކުރުމުގެ ފުރުސަތުވެސް އޮތްކަމަށް މެޓް އޮފީހުން ބުނެފައިވެއެވެ.