ހައުސިން މިނިސްޓަރުގެ ސީރިއަސް ތުހުމަތެއް މާލޭ ސިޓީ ކައުންސިލަށް
ހައުސިން މިނިސްޓަރުގެ ސީރިއަސް ތުހުމަތެއް މާލޭ ސިޓީ ކައުންސިލަށް
ލިޔުން:
މާލެ، މާފަންނު ސަހަރާ ކޮނުމުގެ މަސައްކަތް ކުރިއަށް ގެންދިޔައިރު އެ ސަރަހައްދުގައި ހުރި ސްޓޯމް ވޯޓާ ޕަމްޕުގެ ބައެއް ސިޓީ ކައުންސިލުން ނަގާފައިވަނީ ކޮންސްޓްރަކްޝަން މިނިސްޓްރީ އަށް ނާންގާ ކަމަށް ޑރ އަބްދުﷲ މުއްތަލިބް މިއަދު ވިދާޅުވެއްޖެ އެވެ.
މުއްތަލިބު "އެކްސް" ގައި ކުރި ޕޯސްޓެއްގައި ވިދާޅުވީ، ސިޓީ ކައުންސިލާ އެތަނުގެ ކޮންޓްރެކްޓަރުން މާފަންނު ސަހަރާ ކޮނުމުގެ މަސައްކަތް ކޮށްފައިވަނީ ޒިންމާދާރުކަން ކުޑަ ގޮތަކަށް ކަމަށެވެ.
"އަޅުގަނޑުމެން (މިނިސްޓްރީ) ގެ އެންގުމަކާ ނުލައި ފެން ހިންދާ ސްޓޯމްވޯޓާ ޕަމްޕް ސްޓޭޝަން ބައެއް ނަގާފައި" މުއްތަލިބު ވިދާޅުވީ އޭގެ ސަބަބުން ވަށައިގެންވާ ސަރަޙައްދުގައި ފެންބޮޑުވެފައިވާ ކަމަށެވެ. ޕަމްޕް އަލުން ބޭނުންކުރެވޭ ގޮތް ހެދުމުގެ މަސައްކަތް ކުރަމުންދާ ކަމަށް މުއްތަލިބު ވިދާޅުވި އެވެ.
މުއްތަލިބުގެ ޕޯސްޓު ރީޕޯސްޓްކޮށް މާލޭ މޭޔަރު އާދަމް އާޒިމް ވިދާޅުވީ ސްޓޯމްވޯޓާ ޕަމްޕް ސްޓޭޝަން ނެގުމާ ގުޅިގެން ހުރި ކަންބޮޑުވުންތައް ގަބޫލުކުރާ ކަމަށެވެ.
"އެހެންނަމަވެސް، އަޅުގަނޑު ދަންނަވާލަން ބޭނުންވަނީ، ޕަމްޕް ސްޓޭޝަން ނެގިއިރު ވެސް އެ ސްޓޭޝަން މަސައްކަތް ނުކުރާކަން" އާޒިމް ވިދާޅުވީ އެ ސްޓޭޝަނުގައި ބަހައްޓާފައި ހުރި ކަރަންޓް ސާމާނުތައް ހަލާކުކޮށްލާފައިވާ ކަމަށެވެ.
އެ ޕަމްޕު ސްޓޭޝަން މަސައްކަތްނުކުރާތާ 5 މަސް ވެފައިވާ ކަމަށް، ކައުންސިލުން މިނިސްޓްރީއަށް އެ މައްސަލާގައި ފޮނުވި ދެ ސިޓީއެއް ހިއްސާކޮށް އާޒިމް ވިދާޅުވި އެވެ.
ކިޔުންތެރިންގެ ސަމާލުކަމަށް
މަސް ބޯޓެއް އަތުލައިގެންފި
މާދަމާ މާފަންނުގެ ބައެއް ތަންތަނުން ކަރަންޓު ކެނޑިދާނެ ކަމަށް ސްޓެލްކޯއިން ބުނެފި
މި ފޮޓޯގެ ހަގީގަތް ޝަހީމްގެ ފޭސްބުކް ޕޯސްޓަކުން
ޝިޔާމް މ. ދިއްގަރު ކައުންސިލާ ބައްދަލުކުރައްވައިފި
މީކާއީލްގެ ފާޑުކިއުން މިނިސްޓަރު އިހްސާނަށް
އެޗްއާރްސީއެމްގެ ނައިބަކަށް މުއުމިނާ ހަމަޖައްސަން ކޮމިޓީން ރުހުންދީފި
ޚިޔާލުތައް (0)
މި ލިޔުމަށް އަދި އެއްވެސް ޚިޔާލެއް ޝާއިޢުކުރެވިފައެއް ނެތް. ފުރަތަމަ ޚިޔާލު ފާޅުކުރައްވާ ފަރާތަކަށް ވެލައްވާ!