އަނެއްކާވެސް މާލޭގައި ފެންބޮޑުވެ 58 ގެއަކަށް ސިފައިންގެ އެހީތެރިކަން

ރޭ ފަތިހު މާލެއަށް ބޯކޮށް ވާރޭވެހި ފެންބޮޑުވުމާ ގުޅިގެން 58 ގެއަކަށް އެހީތެރިކަން ފޯރުކޮށްދީފައިވާކަމަށް އެމްއެންޑީއެފުން ބުނެފިއެވެ. އެމްއެންޑީއެފުން ބުނީ ބޯކޮށް ވާރޭވެހި މާލޭގެ މަގުތަކުގައި ފެން ބޮޑުވެގެން، ފެން ހިންދުމަށް އެމްއެންޑީއެފް ފަޔާ އެންޑް ރެސްކިޔު ސާވިސް އިން، މާލޭގެ 8 ސަރަހައްދެއްގައި 23 ޕަންޕު ބަހައްޓައިގެން ފެންހިންދަމުންދާ ކަމަށާއި މިއަދުގެ ހެނދުނު 9 ޖެހުމާ ހަމައަށް މިހާތަނަށް 13882 ޓަނުގެ ފެން ހިއްކިފައިވާ ކަމަށެވެ. މީގެއިތުރުން އެމްއެންޑީއެފް މާލޭ އޭރިއާ ކޮމާންޑުގެ ސިފައިން އަންނަނީ މާލޭގެ ދެ ސަރަހައްދެއްގައި ވެލިބަސްތާ ޖެހުމުގެ މަސައްކަތުގައި ވެސް ހަރަކާތްތެރިވަމުންނެވެ. އެގޮތުން މިހާތަނަށް 58 ގެއަކަށް އެހީތެރިކަން ފޯރުކޮށްދީފައިވާ ކަމަށް އެމްއެންޑީއެފުން ބުނެފައިވެ އެވެ. ބޯކޮށް ވާރޭވެހި މާލޭގައި ފެންބޮޑުވެފައިވާއިރު، އއ. އަތޮޅުން ފެށިގެން އދ. އަތޮޅާއި ހަމައަށް ވަނީ އޮރެންޓް އެލާޓް ނެރެފަ އެވެ.