މޯލްޑިވިއަންގެ އެއާ ޝޯ މިއަދު ހަވީރު ހުޅުމާލެ އިރުމަތީ ބީޗް ސަރަޚައްދުގައި

އައިލެންޑް އޭވިއޭޝަނުން މޯލްޑިވިއަންގެ ފްލީޓަށް އަލަށް ގެންނަ ވައިޑް ބޮޑީ އެއާކްރާފްޓް ދައްކާލުމަށްޓަކައި މިއަދު ހަވީރު އެއާޝޯއެއް ބާއްވަން ނިންމައިފިއެވެ. މޯލްޑިވިއަންގެ ފްލީޓަށް އަލަށް ގެންނަ އޭ330 (އެއާބަސް 330) މަރުކާގެ ބޯޓް ދައްކާލުމަށްޓަކައި ބާއްވާ ޝޯ ބާއްވަން މޯލްޑިވިއަނުން ހަމަޖައްސާފައިވަނީ މިއަދު ހަވީރު 05:00 އިން 05:30  އަށް ހުޅުމާލެ ފޭސް 1 އާއި ހުޅުމާލެ ފޭސް 2 ގެ އިރުމަތީ ފަރާތުގައެވެ. މޯލްޑިވިއަންގެ އޮޕަރޭޝަނާ އޭ330 ގެ ފްލައިޓް ގުޅުމާއެކު އެ އެއާލައިނުން ރާއްޖެއިންބޭރުގެ އާ ޑިސްޓިނޭޝަންތަކަށް ދަތުރުތައް ފެށުމަށް ވަނީ ހަމަޖައްސާފައެވެ. އެގޮތުން އެންމެ ފުރަތަމަ އެ ބޯޓްގެ ދަތުރުތައްފެށުމަށް ހަމަޖެހިފައި ވަނީ ޗައިނާގެ ތިން ސިޓީއަކަށެވެ. އެ ގައުމަކީ މިހާރު ރާއްޖެ އަށް އެންމެ ގިނަ ޓޫރިސްޓުން ވެސް އަންނަ އެއް ގައުމެވެ.