އާރުޑީސީގެ އެޕްރެންޓިސް ޕްރޮގްރާމް (ބިނާވެހި) ގެ 3 ވަނަ ބުރު ފަށައިފި

ޒުވާނުން ވާޒިފާގެ މާހައުލަށް އަހުލުވެރިކުރުވައި ޒުވާނުން ބިނާ ކުރަން ރޯޑް ޑިވެލޮޕްމަންޓް ކޯޕަރޭޝަން އާރްޑީސީ އިން ހިންގާ "ބިނާވެހި" އެޕްރެންޓިސް ޕްރޮގްރާމް ގެ 3 ވަނަ ބުރު ފަށައިފި އެވެ. އެކުންފުނިން ހާމަކުރި ގޮތުގައި "ބިނާވެހި" އެޕްރެންޓިސް ޕްރޮގްރާމް ގެ 3 ވަނަ ބުރު ގައި އަންހެން 3 ބައިވެރިންނާއި ފިރިގެން 2 ބައިވެރިންނާއެކު ޖުމްލަ 5 ޒުވާނަކު ވަނީ ބައިވެރިވެފައެވެ. އެ ޕްރޮގްރާމުގެ ބައިވެރިންނަށް ލިޔުން ހަވާލުކޮށް ދެއްވީ އާރްޑީސީގެ މެނޭޖިން ޑިރެކްޓަރު ބްރިގޭޑިއާ ޖެނެރަލް ރިޓަޔާޑް އަލީ ޒުހެއިރު އެވެ. ޕްރޮގްރާމުގެ ބައިވެރިންނަށް މަހުން މަހަށް ދެވޭ އެލަވަންސަކާއެކު 6 މަސް ދުވަހަށް ކުރިއަށް ގެންދާ "ބިނާވެހި" އެޕްރެންޓިސް ޕްރޮގްރާމުގައި އެ ކުންފުނީގެ އެކި ޑިޕާޓްމަންޓްތަކުގައި މަސައްކަތްކުރުމުގެ ތަޖުރިބާ ބައިވެރިންނަށް ދިނުމަށް ހަމަޖެހިފައިވާއިރު އޭގެ ތެރޭގައި އެކޮމަޑޭޝަން ފެސިލިޓީ މެނޭޖްމަންޓްގެ ދާއިރާ އާއި އެޑްމިނިސްޓްރޭޝަން ދާއިރާ އާއި، ސެކިއުރިޓީ އެންޑް ސޭފްޓީ ދާއިރާ އާއި، އިންވެންޓްރީ ދާއިރާ އާއި، އައިސީޓީ ދާއިރާ އާއި،  ލޮޖިސްޓިކްސް ދާއިރާ އާއި، ޕްރޮޑަކްޝަން ދާއިރާއި، އެޗްއާރް އަދި ޕްރޮޖެކްޓް މެނޭޖްމަންޓް ދާއިރާ އާއި، ޕްރޮޖެކްޓް އިމްޕްލިމެންޓޭޝަން ދާއިރާއާއި، ސޭލްސް އެންޑް މާކެޓިން ދާއިރާގެ އިތުރުން ޕަބްލިކް ރިލޭޝަންސް ދާއިރާ ހިމެނެއެވެ،