އިންޑިއާހަލީލް ވިދާޅުވަނީ އިންޑިއާ އައުޓަކީ ޔާމީންގެ ވިސްނުމެއް

އިންޑިއާ އައުޓަކީ ޔާމީންގެ ވިސްނުމެއް ކަމަށް ފޮރިން މިނިސްޓަރ ޢަބްދުﷲ ހަލީލް ވިދާޅުވެއްޖެއެވެ. އޭނާ މިހެން ވިދާޅުވީ އިންޑިއާގެ "ވިއޯން" އާ ވާހަކަ ދައްކަވަމުންނެވެ. ވިއޯންއަށް ދެއްވި އިންޓަވިއުގައި ހަލީލް ވިދާޅުވީ އިންޑިއާއާ އެ ގައުމުގެ ރައްޔިތުންނާ އެކު އިތުރަށް ގުޅުން ބަދަހިކުރެއްވުމަށް ރައީސް މުއިއްޒު މަސައްކަތް ކުރައްވަމުން ގެންދަވާ ކަަމަށެވެ. މިނިސްޓަރު ވިދާޅުވީ އިގްތިސާދީ ގުޅުމާ، ސަލާމަތީ ޕާޓްނާޝިޕްގެ ރޮނގުން ވެސް ރާއްޖެއާއި އިންޑިއާ ދެމެދު އޮތް ސްޓްރެޓެޖިކް ގުޅުން ބަދަހިވެ ކުރިއަރަމުން އަންނަ ކަމަށެވެ. ހަލީލް ވިދާޅުވި ގޮތުގައި ޔާމީނަކީ މިހާރު ޑރ. މުޢިއްޒުގެ ވެރިކަމާ އެއްގޮތަކުންވެސް ގުޅުން އޮތް ބޭފުޅެއް ނޫން ކަމަށާއި އެއީ އިދިކޮޅަށް މަސައްކަތްކުރައްވާ ފަރާތެކެވެ. އަދި ޑރ. މުޢިއްޒު ބޭނުންފުޅުވަނީ އިންޑިއާއާއެކު ގާތް ގުޅުމެއް ބާއްވަންކަން ހަލީލް ފާހަގަ ކުރެއްވިއެވެ.