ތިމަރަފުށިން ހައްޔަރުކުރި މީހުންގެ ބަންދު ޖަހައިފި

ތ ތިމަރަފުށީގައި ގެއަކަށް ވަދެ މާރާމާރީ ހިންގި މައްސަލާގައި ހައްޔަރުކުރި މީހުންގެ ބަންދުގެ މުއްދަތު ޖަހައިފި އެވެ. އިއްޔެ މެންދުރުފަހު ހިންގި މާރާމާރީއާ ގުޅިގެން 5 މީހަކު ހައްޔަރުކުރި އެވެ. އެ އެންމެންނަކީވެސް ދިވެހީންނެވެ. އެ މައްސަލާގައި ހައްޔަރުކޮށްފައިވަނީ: އަހްމަދު އަމީން, ޖަހާމުގުރިގެ, ތ ތިމަރަފުށި (36އ) އަހްމަދު ޝަހުދީ, ސަލްވާ, ތ ތިމަރަފުށި (38އ) މުހައްމަދު ރައޫފު, ވ ވަވަތް, ކ މާލެ (54އ) އަބްދުالله އަޝްރަފް, ގުލްބަކާވިލާ, ތ ތިމަރަފުށި (39އ) އާސް އިބްރާހީމް, ހިރި, ތ ތިމަރަފުށި (32އ) ފުލުހުން ބުނީ އެ މައްސަލައިގައި ހައްޔަރުކުރި އަޝްރަފްއާއި އާސް އަދި ރައޫފްގެ ބަންދަށް 10 ދުވަސް ކޯޓުން ޖަހައިދީފައިވާ ކަމަށެވެ. އަދި އަމީން 7 ދުވަހަށާއި ޝަހުުދު 5 ދުވަހަށް ބަންދުކުރުމަށް ވެސް އަމުރުކޮށްފައިވާ ކަމަށް ފުލުހުން ބުންޏެވެ. މާރާމާރީ ހިނގަން މެދުވެރިވި ސަބަބެއް މިހާތަނަށް އެނގިފައެއް ނުވެ އެވެ.