އިމިގްރޭޝަންގެ ރެއިޑެއް: ކެފޭއަކުން ފަސް ބިދޭސީން އަތުލައިގެންފި

ރާއްޖޭގައި ގަވައިދާ ހިލާފަށް އުޅެމުންދަ ބިދޭސީން ހޯދުމަށް މޯލްޑިވްސް އިމިގްރޭޝަނުން ކުރަމުންދާ މަސައްކަތްތަކުގެ ތެރެއިން ކޮފީ ޝޮޕްތަކަކުން ފަސް ބިދޭސީން އިމިގްރޭޝަންގެ ބެލުމުގެ ދަށަށް ގެންގޮސްފި އެވެ. "އެކްސް" ގައި ކުރި ޕޯސްޓެއްގައި އިމިގްރޭޝަނުން ބުނީ އެ މީހުން އިމިގްރޭޝަންގެ ބެލުމުގެ ދަށަށް ގެންގޮސްފައިވަނީ ޓާސްކު ފޯހުން މާލޭގެ ކޮފީ ޝޮޕްތަކަށް ޚާއްސަ ކޮށްގެން އިއްޔެ ހިންގި ރެއިޑު އޮޕަރޭޝަންގައި ކަމަށެވެ. އިއްޔެ އޮޕަރޭޝަނުން ކޮފީޝޮޕް ހިންގަމުންދާ ހަ ތަނެއް ބަލައި ފާސްކޮށްފައިވާ ކަމަށް އިމިގްރޭޝަންގެ ޕޯސްޓުގައި ބުންޏެވެ. ކޮފީޝޮޕްތަކުން ބަޔަކު ހައްޔަރު ކޮށްފައިވާއިރު، އިމިގްރޭޝަންގެ ރެއިޑް މި ދުވަސްކޮޅު ބޮޑަށް އަމާޒުކުރަނީ ބިދޭސީންގެ ބޮޑު ނުފޫޒެއް އޮންނަ ސަރަހައްދުތަކަށެވެ.