އިޝާ އަމްބާނީގެ އަޖިއޯ މެދުވެރިކޮށް އޮންލައިން ފެޝަން ޕްލެޓްފޯމް "ޝީން" އެނބުރި އިންޑިއާއަށް

އިންޑިއާގެ މަޝްހޫރު ބިލިއަނަރު މުކޭޝް އަމްބާނީ އާއި އޭނާގެ ދަރިފުޅު އިޝާ އަމްބާނީގެ ރިލަޔަންސް ރީޓެއިލް ޕްލެޓްފޯމް އަޖިއޯ ގެ ލޭބަލް އާއެކު ޗައިނާގެ އޮންލައިން ފެޝަން ޕްރޭންޑް "ޝީން" 4 އަހަރަށް ފަހު އަނެއްކާވެސް އިންޑިއާއަށް އެނބުރި އަތުވެއްޖެއެވެ. އިންޑިއާގައި މިހާރު ރަސްކަން ކުރަމުންއަންނަ ފެޝަން އޮންލައިން ބްރޭންޑް އަކީ ޓާޓާ ގްރޫޕް ގެ ޒުޑިއޯ އާއި ފްލިޕްކާޓް ގެ ހިއްސާ އޮންނަ "މިޓްރާ" އެވެ. ނަމަވެސް ޝީން އެނބުރި އިންޑިއާގެ ބާޒާރަށް ނިކުތުމާއެކު ޓާޓާ ގްރޫފާއި ރިލަޔަންސްގެ ވާދަވެރިކަން ބޮޑުވެގެންދާނެކަމަށް އިންޑިއާގެ ނޫސްތަކުން ބުނެއެވެ. އިކޮނޮމިކް ޓައިމްސް އިން ބުނެފައިވާގޮތުން މި ޕާޓްނާޝިޕްގެ ސަބަބުން ޝީން އަށް އިންޑިއާގެ ހަރުކަށި ގަވައިދުތައް ނެވިގޭޓްކޮށް، ކުރިއަރަމުން އަންނަ ފާސްޓް ފެޝަން މާކެޓުގައި ޒޫޑިއޯ އާއި މިންޓްރާ ފަދަ ލޯކަލް ބްރޭންޑްތަކާ ވާދަކުރުމަށް މަގުފަހިވެގެން ދެ އެވެ. އަދި ޝީން މިހާރު ޓެސްޓުކޮށް އޭގެ ކަލެކްޝަން އަޖިއޯއަށް އިތުރުކުރަމުން އަންނަ ކަމަށް ވެސް ރިޕޯޓުގައި ފާހަގަކޮށްފައިވެ އެވެ. ޖީބަށް ލުއި ފާސްޓް ފެޝަން މާކެޓުގައި ޝީންއާ ވާދަކުރާނީ ޓާޓާ ގްރޫޕްގެ ޒުޑިއޯ އާއި ފްލިޕްކާޓްގެ ހިއްސާ އޮންނަ މިންޓްރާއާ އެވެ. މި ބްރޭންޑް އެނބުރި އިންޑިއާއަށް އައިސްފައި މިވަނީ ރިލަޔަންސް ރީޓެއިލް ވެންޗާސް ލިމިޓެޑާ އެކު މިދިޔަ އަހަރު އެ ބްރޭންޑުގެ އުފެއްދުންތައް އިންޑިއާގެ ކަސްޓަމަރުންނަށް އަނބުރާ ގެނައުމަށް އިއުލާންކުރި ޕާޓްނާޝިޕަކާ ގުޅިގެންނެވެ. އިންޑިއާ-ޗައިނާ ބޯޑަރު މައްސަލައާ ގުޅިގެން އުފެދިފައިވާ ނުތަނަވަސްކަމުގެ ސަބަބުން ސަރުކާރުން އެއެޕް ބޭނުންކުރުން މަނާކުރުމުން ޝީންގެ އިންޑިއާ އޮޕަރޭޝަންތައް ހުއްޓާލީ މިދިޔަ އަހަރުގެ ޖޫން މަހު އެވެ.