މިހަފްތާގެ ނިއަލަށް ރާއްޖެއަށް ޒިޔާރަތްކުރި ޓޫރިސްޓުންގެ އަދަދު 2 މިލިއަނަށް

މިހަފްތާގެ ނިއަލަށް، ރާއްޖެއަށް ޒިޔާރަތްކުރި ޓޫރިސްޓުންގެ އަދަދު 2 މިލިއަނަށް އަރާނެކަމަށް ޓޫރިޒަމް މިނިސްޓަރ އިބްރާހިމް ފައިސަލް ވިދާޅުވެއްޖެއެވެ. ޕީއެސްއެމް އަށް ދެއްވި އިންޓަވީއުއެއްގައި ޓޫރިޒަމް މިނިސްޓަރ ފައިސަލް ވިދާޅުވީ މި އަހަރު ނިމުމުގެ ކުރިން ދެ މިލިއަން ޓޫރިސްޓުން ގެނައުމަށް ސަރުކާރުން ހިފާފައިވާ އަމާޒު ހާސިލް ކުރެވޭނެ ކަމަށާއި އެގޮތުން އަންނަ ބްރާސްފަތި ދުވަހު 2 މިލިއަން ވަނަ ފަތުރުވެރިޔާ ރާއްޖެ ޒިޔާރަތް ކުރާނެ ކަމަށެވެ. އެ މުނާސަބާ ފާހަގަކުރުމަށް ބުރާސްފަތި ދުވަހު ހާއްސަ ހަފްލާއެއްބާއްވައި ހޫނު މަރުހަބާއެއް ވެސް ކިޔާނެ ކަމަށާއި އެކަމުގެ ތައްޔާރީތައް ކުރިއަށްދާ ކަމަށްވެސް މިނިސްޓަރ ފައިސަލް ވަނީ ވިދާޅުވެފައެވެ. ޓޫރިޒަމް މިނިސްޓްރީން އާންމުކޮށްފައިވާ އެންމެ ފަަހުގެ ހިސާބުތަކަށް ބަލާއިރު މި ހަފްތާގެ އާދީއްތަ ދުވަހާ ހަމައަށް 1،978،252 ޓޫރިސްޓުން ރާއްޖެއަށް ވަނީ ޒިޔާރަތްކޮށްފައެވެ.