އަލިފާނުގެ ހާދިސާއާއިގުޅިގެން ދަރުބާރުގެއަށް ބަދަލުކުރި 3 މިނިސްޓްރީގެ މަސައްކަތް ހިނގަމުންދާގޮތް ރައީސް ޑރ.މުއިއްޒު ބައްލަވާލައްވައިފި

އަލިފާނުގެ ހާދިސާއާއިގުޅިގެން ދަރުބާރުގެއަށް ބަދަލުކުރި 3 މިނިސްޓްރީގެ މަސައްކަތް ހިނގަމުންދާގޮތް ރައީސް ޑރ.މުއިއްޒު ބައްލަވާލައްވައިފިއެވެ. އަލިފާނުގެ ހާދިސާގައި އެނދި 3 މިނިސްޓްރީ ކަމުގައިވާ މިނިސްޓްރީ އޮފް ހައުސިންގ، ލޭންޑް އެންޑް އަރބަން ޑިވެލޮޕްމަންޓް އާއި މިނިސްޓްރީ އޮފް ކްލައިމެޓް ޗޭންޖް، އެންވަޔަރަންމަންޓް އެންޑް އެނަރޖީ އާއި މިނިސްޓްރީ އޮފް ކޮންސްޓްރަކްޝަން އެންޑް އިންފްރާސްޓްރަކްޗަރ، ގެ މަސައްކަތްތައް ހިންގުމަށް ދަރުބާރުގޭގައި ހެދާފައިވާ ވަގުތީ އޮފީސްތަކުގެ މަސައްކަތް ހިނގަމުންދާގޮތް ބައްލަވައިލެއްވުމަށް ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު މިއަދުގެ ހެނދުނު ދަރުބާރުގެއަށް ވަނީ ވަޑައިގަންނަވާފައެވެ. ދަރުބާރުގެއަށް ވަޑައިގެން 3 މިނިސްޓްރީގެ މުވައްޒަފުންނާ މުޚާތަބުކުރައްވައި ރައީސް ޑރ.މުއިއްޒު ދެއްކެވި ވާހަކަފުޅުގައި އަލިފާނުގެ ހާދިސާއާއި ގުޅިގެން ލިބިގެން ދިޔައީ އަގު ނުކުރެވޭނެވަރުގެ ބޮޑު ގެއްލުމެއްކަން ފާހަގަކުރައްވައި އަލިފާނުގެ ހާދިސާގައި މުވައްޒަފުންގެ އަމިލއްލަ ތަކެތިވެސް ގެއްލިގެން ގޮސްފައިވާތީ އެކަމުގެ ސަބަބުން މުވައްޒަފުންނަށް ލިބޭނެ ގެއްލުން ފާހަގަކުރައްވައި އެފަދަ ހާލަތެއްގައިވެސް މުވައްޒަފުންގެ ފަރާތުން ފެނިގެންދިޔަ އެއްބާރުން އެމަނިކުފާނު ވަނީ ފާހަގަކުރައްވާފައެވެ.