ދުންފަތާ ކުޅެގެން ރައީސް އަމީން ދީދީ އަށް ވީގޮތް، ޤާނޫނުއަސާސިއާ ކުޅެގެން ރައީސް މުއިއްޒުއަށް ވެދާނެކަމަށް ދޭހަވާގޮތަށް ވާހަކަދެއްކި މައްސަލައެއް ބަލަނީ

ދުންފަތާ ކުޅެގެން ރައީސް އަމީން ދީދީ އަށް ވީގޮތް، ޤާނޫނުއަސާސިއާ ކުޅެގެން ރައީސް މުއިއްޒުއަށް ވެދާނެކަމަށް ބުނެ ވާހަކަދެއްކި މައްސަލައެއް ބަލައެއް ފުލުހުން ބަލަންފަށައިފިއެވެ. ފުލުހުން ބުނެފައިވަނީ ރައީސް ޑރ.މުއިއްޒަށް ރައްދުވާގޮތަށް އިންޒާރު ދިން މައްސަލައެއް ފުލުހުންގެ ސަމާލުކަމަށް އައިސްފާއިވާކަމަށާއި، އެ މައްސަލަ މިހާރު ފުލުން ބަލަމުންގެންދާ ކަމަށެވެ، ރޭ ކުޅުދުއްފުށީގައި އެމްޑީޕީ ގެ ފަރާތުން ބޭއްވި ޖަލްސާގައި ވާހަކަ ދެއްކި ފަރާތަކުން ވަނީ ރައީސް މުޙައްމަދު އަމީން ކުޅުނީ ދުންފަތާ ކަމަށާއި، ރައީސް މުއިއްޒު ކުޅުއްވީ ޤާނޫނުއަސާސީ އާއި ކަމަށެެވެ. އަދި ރައީސް އަމީން ދުންފަތާ ކުޅެގެން ވީގޮތް ރާއްޖޭގެ އެއްމެނަށްވެސް އެނގޭނެ ކަމަށާއި، ޤާނޫނުއަސާސީއާ ކުޅެގެން ރައީސް މުއިއްޒު އަށް ރީތި ކެއްސެއް ލިބިގެންދާނެ ކަމަށެވެ.

މުޙައްމަދު އަމީނު ވެސް ކުޅުނީ ދުންފަތާއޭ މީނަ [ރައީސް މުއިއްޒު] މި ކުޅެނީ ގާނޫނުއަސާސީއާއޭ މުޙައްމަދު އަމީނަށްވެސް ވީގޮތް ފެނިގެންދާނެ ދިވެހިރާއްޖޭގެ އެއްމެހާ ރައްޔިތުންނަށް އެހެންވީމަ ޤާނޫނުއަސާސީއާއި ކުޅޭކަމަށްވަނީނަމަ ފެންނާނެ، ރީތި ކެއްސެއް ލިބިގެންދާނެ، އުނބައްޖަހާކަށް އަބަދަކު ނުބަހައްޓާނެ ރައްޔިތުންނެއް، އެއްގޮތަކަށްވެސް ނުބަހައްޓާނެ.

ޑިސެމްބަރު 10 ވަނަ ދުވަހު އެމްޑީޕީގެ ފަރާތުން ކާނިވަލުގައި ބޭއްވުމަށް ތައްޔާރުވަމުންއަންނަ "ގާނޫނި އަސާސީގެ ދިފާއުގައި" ޖަލްސާއަށް އެ ޕާޓީން ދަނީ ވަރަށް ބޮޑަށް ތައްޔާރުވަމުންނެވެއެވެ. އެގޮތުން މާލެ އާއި ރާއްޖޭގެ އެކި ރަށް ރަށުގައި އެކަމުގެ ތައްޔާރީތައް އެ ޕާޓީން ގެންދަނީ ވަމުންނެވެ. ޤާނޫނު އަސާސީއަށް ގެނެވުނު އިސްލާހުގެ މައްސަލަ ދުސްތޫރީ މައްސަލައެއްގެ ގޮތުގައި ރައްޔިތުންގެ މަޖިލީހުގެ ބ.ކެންދޫ ދާއިރާގެ ކުރީގެ މެންބަރު އަލީ ހުސައިން ދިވެހި ރާއްޖޭގެ ސްޕްރީމްކޯޓަށް ހުށަހެޅުމާގުޅިގެން އެމައްސަލާގެ ތެރެއަށް އެމްޑީޕީން މިހާރުވަނީ ތަދުއްޙުލު ވެފައެވެ.