އެގްރޯނެޓް ކުންފުނިން ދަނޑުވެރިން އަތުން ތަކެތިގަތުން ވަގުތީގޮތުން ހުއްޓާލައިފި

ދަނޑުވެރިން ހައްދާ ތަކެތި ގަނެ މާކެޓް ކުރުމަށްޓަކައި އުފައްދާފާއިވާ އެގްރޯ ނެޝަނަލް ކޯޕަރޭޝަން (އެގްރޯނެޓް) ކުންފުނީގެ އޮޕަރޭޝަން  ވަގުތީގޮ ތުން ހުޓާލައިފި އެވެ. 2020 ވަނަ އަހަރު އުފައްދާފައިވާ އެ ކުންފުންޏަކީ ރާއްޖޭގެ ކަންކޮޅުތަކުގައި ދަނޑުވެރިން އުފައްދާތަކެތި ގަނެ ބާޒާރުތަކަށް މާކެޓްކޮސް ވިއްކުމަށްޓަކައި އުފައްދާފައިވާ ކުންފުޏެކެވެ. އެގޮތުން  އެކުންފުނިންވަނީ އެކަމަށް ހާއްސަކޮށް އެގްރޯ ބޯޓު ވެސް އުފައްދާފައެވެ. އެގްރޯ ބޯޓަކީ ދަނޑުވެރިން އުފައްދާ ތަކެތި ކަލެކްޓްކޮށް ތާޒާ ކަމާއެކު މާކެޓާ ހަމައަށް ފޯރުކޮށްދިނުމަށްޓަކައި ފިނިކުރެވޭނެ އިންޒާމާއެކު ޒަމާނީ ވަސީލަތްތަކާއެކު ގާއިމްކޮސްފައިވާ ބޯޓެކެވެ. އެގްރޯނެޓް ކުންފުނިން ބުނެފައިވަނީ އެ ކުންފުނީގެ މަސައްކަތްތައްއް މިދިޔަ ނޮވެމްބަރ 30 އިން ފެށިގެން ހުޢްޓާލާފައިވާ ކަމަށާއި، އެހެންކަމުން މިވަގުތު ދަނޑުވެރުންގެ އަތުން ތަކެތި ގަތުން ހުއްޓާލާފައިވީ ނަމަވެސް އެކުންފުނީގައި ތިބި 182 މުވައްޒަފުން ވަޒީފާއިން ވަކިނުކުރާ ކަމަށެވެ. ސަރުކާރުން ޚަރަދު ކުޑަކުރުމަށްޓަކައި އަޅަމުންގެންދާ ފިޔަވަޅުތަކުގެ ތެރެއިން އެގްރޯނެޓް ހުއްޓާލައި އެ ކުންފުނި މިހާރު މޯލްޑިވްސް އިންޑަސްޓްރިއަލް ޑިވެލޮޕްމަންޓް ފްރީ ޒޯން (އެމްއައިޑީއެފްސީޒެޑް) ގެ ދަށަށް ބަދަލު ކުރުމުގެ މަސައްކަތް އަންނަނީ ކުރަމުންނެވެ.