އިންޑިއާގެ ސައުތު ފިލްމް އިންޑަސްޓްރީ ގެ މަޝްހޫރު ބަތަލާ ޝޯބީތާ މަރުވެފައި އޮއްވާ ފެނިއްޖެ

އިންޑިއާގެ ސައުތު ފިލްމު އިންޑަސްޜޓްރީގެ ފިލްމުތަކާއި ޓީވީ ޑްރާމާ ތަކުން މަޝްހޫރުކަން ހޯދާފައިވާ ބަތަލާ ޝޯބީތާ ޝިވަންނާ މަރުވެފައި އޮއްވާ ފެނިއްޖެ އެވެ. އިންޑިއާގެ ފުލުހުންނާ ޚަވާލާދީ އެގައުމުގެ މީޑިއާތަކުން ބުނެފައިވަނީ ބަތަލާ ޝޯބީތާ ޝިވަންނާ މަރުވެފައި އޮއްވާ ފެނިފައިވަނީ ގަޗީބޯލީ ޕޮލިސް ސްޓޭޝަން ސަރަހައްދުގެ ކޮންޑާޕޫރުގައި ހުންނަ އޭނާގެ ގެއިންކަމަށެވެ. އަދި ބެލެވޭ ގޮތުގައި މަރުވެފައިވަނީ އަމިއްލައަށްކަމަށް ބެލެވޭ ކަމަށާއި މިހާރު އޭނާގެ ހަށިގަނޑު ޕޯސްޓްމޯޓަމް ހެދުމަށް ގާންދީ ހޮސްޕިޓަލަށް ފޮނުވާފައިވާ ކަމަށެވެ. ބަތަލާ ޝޯބީތާ ޝިވަންނާގެ ހިތާމަވެރި މަރުގެ ސީދާ ސަބަބެއް އަދި ނޭނގޭއިރު، ކަމާބެހޭ ފަރާތްތަކުން މިހާރު ދަނީ އެ މައްސަލަ ތަހުގީގު ކުރަމުންކަމަށްވެސް އިންޑިއާގެ މީޑިއާތުން ރިޕޯޓުކޮށްފައިވެއެވެ. ޝޯބިތާ ވަނީ މަޝްހޫރު ގިނަ ފިލްމުތަކެއް ކުޅެފަ އެވެ، އޭގެ ތެރޭގައި އެރަޑޮންޑްލާ މޫރު، އޭޓީއެމް، އެޓްރިސްޓް ޓު މާޑާ، އޮންދް ކަތޭ ހެލާ، ޖެކްޕޮޓް އަދި ވަންދަނާ ހިމެނެ އެވެ. މީގެ އިތުރުން ގާލިޕަޓާ، މަންގަލާ ގައުރީ، ކޮގިލޭ، ބްރަހްމަގަންޓޫ، ކްރިޝްނާ ރުކްމިނީ ފަދަ ޓީވީ ސިލްސިލާތަކުގައި ވެސް އޭނާ މުހިއްމު ރޯލުތަކެއް ކުލެދީފައެވެ.