ސިހުރު ހަދާ ކަމުގެ ތުހުމަތުގައި ކެލައިން 5 މީހަކު ހައްޔަރުކޮށްފި

ހއ. ކެލައަށް ފުލުހުން އަރައި އެރަށުގައި ސިހުރު ހަދާކަމުގެ ތުހުމަތުކުރެވޭ 5 މީހަކު ހައްޔަރުކޮށްފިއެވެ. އެ ރަށުގައި ހިންގާފައިވާ އޮޕަރޭޝަނާ ގުޅިގެން ފުލުހުން މީޑިއާ އަށް ދީފައިވާ މައުލޫމާތުގައި ބުނެފައިވަނީ ކެލާގެ ނުވަ ތަނެއް ބަލައި ފާސްކޮށް ފަސް މީހަކު ފުލުހުންގެ ބެލުމުގެ ދަށަށް ގެންދިޔައީ ލިބުނު ޝަކުވާތަކަކާ ގުޅިގެން ކަމަށާއި، ފުލުހުންގެ ބެލުމުގެ ދަށަށް ގެނައި 5 މީހުން ވެސް މިހާރު ވަނީ ދޫކޮށްލައިފައި ކަމަށެވެ. ނަމަވެސް އެކަމާ ގުޅިގެން އިތުރަށް ބަލަންޖެހޭ ކަންކަން ފުލުހުން ބަލަމުންގެންދާ ކަމަށެވެ. ފުލުހުން އެރަށަށް އައަރި އެ އޮޕަރޭޝަން ހިންގާފައިވަނީ އެރަށުގައި އެރަށުގައި ބަލިތައް އިތުރުވެ އެކަންކަމަކީ ސިހުރުވެރިކަމުގެ ސަބަބުން ކުރިމަތިވާ ކަންކަން ކަމަށް އަޑުތައް ފެތުރުމާގުޅިގެން އާއްމުންގެ ގިނަ ބައެއްގެ ޝަކުވާ ބޮޑުވުމާ ގުޅިގެން ކަމަށްވެއެވެ. އެގޮޮތުން އެރަށުގައި ސިހުރު ހަދާކަމަށް ބެލެވޭ ގެތަކަށް ފުލުހުންވަދެ ބަލާ ފާސްކޮށް ބައެއް ގެތަކުން ބައެއް ތަކެތި ފުލުހުން ގެންގޮސްފައިވެއެވެ.