އިންދިރާގަންދީ މެމޯރިއަލް ހޮސްޕިޓަލާ ދިމާލު ތޮށިބޭރު މޫދުގައި އަނިޔާވެފައި އޮތް މީހަކު ފެނިއްޖެ

އިންދިރާގަންދީ މެމޯރިއަލް ހޮސްޕިޓަލާ ދިމާލު ތޮށިބޭރު މޫދުގައި އަނިޔާވެފައި އޮތް މީހަކު ފެނިގެން ފުލުހުންގެ އެހީތެރިކަމާއެކު އެމީހާ ނަގައިގެން ހޮސްޕިޓަލަށް ގެންގޮސްސިއެވެ. އެ ހާދިސާއާއި ގުޅޭ މައުލޫމާތު މީޑިއާތަކާ ހިއްސާކުރަމުން ފުލުހުން ބުނެފައިވަނީ އަނިޔާވެފައިވަނީ ދިވެހި ފިރިހެނަކަށް ކަމަށެވެ. އަދި ހޮސްޕިޓަލާ ޚަވާލާދީ ފުލުހުން ބުނެފައިވަނީ އަނިޔާ ލިބިފައިވަނީ އެމީހާގެ ބޮލަށް ކަމަށާއި، ބެލެވޭ ގޮތުގައި އެމީހާ މޫދުގައި އޮއްވައި އެސަރަހައްދުން ދަތުރުކުރި ލޯންޗަކުން އެމީހާގެ ބޮލުގައި ޖެހިފައިވާކަމަށެވެ. އެ މައްސަލަ ފުލުހުން މިހާރުދަނީ ތަހުގީގުކުރަމުންކަމަށްވެސް ފުލުހުން ބުނެފައިވެއެވެ.