އެމްއޭސީއެލްއަށް އައިލެންޑް އޭވިއޭޝަނުން 1.12 ބިލިއަން ރުފިޔާ ދަރާފައި

އައިލެންޑް އޭވިއޭޝަނުން އެމްއޭސީއެލްއަށް 1.12 ބިލިއަން ރުފިޔާގެ ދަރަނި ދައްކަން ޖެހޭ ކަމަށް މޯލްޑިވްސް އެއާޕޯޓްސް ކޮމްޕެނީ ލިމިޓެޑް (އެމްއޭސީއެލް) ގެ މެނޭޖިން ޑިރެކްޓަރ އިބްރާހީމް ޝަރީފް ވިދާޅުވެއްޖެ އެވެ. ރައްޔިތުންގެ މަޖިލީހުގެ ދައުލަތުގެ އެންޓަޕްރައިސަސް ކޮމިޓީއާ އެކު އަންގާރަ ދުވަހު ބޭއްވި ބައްދަލުވުމުގައި އެމްއޭސީއެލްގެ މާލީ ހާލަތާ ގުޅޭ ގޮތުން ސުވާލުކޮށްފައިވެއެވެ. އޭނާ ވިދާޅުވީ އެމްއޭސީއެލްއަށް ބޮޑެތި ދަރަނިތަކެއް އަދިވެސް ބައެއް އެސްއޯއީތަކުން ދައްކާފައި ނުވާ ކަމަށެވެ. ޝަރީފް ވިދާޅުވީ ނުދައްކާ ހުރި ފައިސާ، ކުންފުނިތަކުން އަނބުރާ ދައްކާ ނަމަ ހަރަދު ކުޑަކުރެވޭނެ ކަމަށެވެ.