ޔާމީން އިންތިހާބުގައި ވާދަކުރިއަސް ކަންބޮޑުވުމެއް ނެތް: އަބްދުއްރަހީމް
ޔާމީން އިންތިހާބުގައި ވާދަކުރިއަސް ކަންބޮޑުވުމެއް ނެތް: އަބްދުއްރަހީމް
ލިޔުން:
އަންނަ ރިޔާސީ އިންތިހާބުގައި ކުރީގެ ރައީސް އަބްދުﷲ ޔާމީން ވާދަ ކުރެއްވިޔަސް އެއްވެސް ކަންބޮޑުވުމެއް ނެތްކަމަށް ކޮންގްރެސް ޕާޓީގެ ޗެއާޕާސަން އަދި ރައްޔިތުންގެ މަޖިލީހުގެ ރައީސް އަބްދުއްރަހީމް އަބްދުﷲ ވިދާޅުވެއްޖެ އެވެ.
އަބްދުއްރަހީމް މިހެން ވިދާޅުވީ އިއްޔެ ކުރިއަށް ގެންދިޔަ ކޮންގްރެސް ޕާޓީގެ އެތެރޭގެ އިންތިހާބަށް ފަހު ބޭއްވި ނޫސްވެރިންގެ ބައްދަލުވުމުގަ އެވެ.
ރައީސް ޔާމީންގެ ވަރަށް އަރިސް ބޭފުޅެއްގެ ގޮތުގައި މީގެ ކުރިން ހުންނެވި އަބްދުއްރަހީމް ވިދާޅުވީ ޝަރުތު ހަމަވާ ކޮންމެ ބޭފުޅަކަށްވެސް ރިޔާސީ އިންތިހާބުގައި ވާދަ ކުރެވޭނެ ކަމަށާއި ރައީސް ޔާމީންވެސް ޝަރުތު ހަމަވާނަމަ އެ ފުރުސަތު އޮންނާނެ ކަމަށެވެ. ރައީސް ޔާމީނާއި އަބްދުއްރަހީމްގެ ގުޅުން ހީނަރުވެގެން ދިޔައީ މިދިޔަ ރިޔާސީ އިންތިހާބުގައި ޕީއެންސީގެ ޓިކެޓުގައި މިހާރުގެ ރައީސް ޑރ. މުހައްމަދު މުއިއްޒު ނިކުންނެވި ހިސާބުން އުފެދުނު މައްސަލަތަކެއްގަ އެވެ.
ރައީސް ޔާމީން އަންނަ ރިޔާސީ އިންތިހާބުގައި ކުރިމަތިލެއްވުމަކީ ޕީއެންސީއަށް އޮތް ގޮންޖެހުމެއްތޯ ބުނަން އަދި މާ އަވަސްކަމަށް އަބްދުއްރަހީމް ވިދާޅުވި އެވެ. އެގޮތުން އެ އިންތިހާބުގެ ކުރިއަށް އަދި 4 އަހަރު އެބަ އޮތް ކަމަށާއި އަންނަ ރިޔާސީ އިންތިހާބުގައި ރައީސް މުއިއްޒު ކުރިމަތިލައްވާއިރު އެމަނިކުފާނަށް އޮންނަ ތާއީދު މިހާރަށް ވުރެ އިތުރުވެގެން ދާނެކަމަށް އަބްދުއްރަހީމް ވިދާޅުވި އެވެ.
ރައީސް ޔާމީން ވަނީ އަންނަ ރިޔާސީ އިންތިހާބުގައި ވާދަ ކުރައްވާނެކަން މިހާރު އިއުލާން ކުރައްވަފަ އެވެ. ރައީސް ޔާމީންގެ އިތުރުން އެމްޑީޕީގެ ޗެއާޕާސަން ފައްޔާޒް އިސްމާއިލްވެސް ވަނީ އިންތިހާބުގައި ކުރިމަތިލައްވާނެކަން ހާމަ ކުރައްވާފަ އެވެ
ކިޔުންތެރިންގެ ސަމާލުކަމަށް
މަސް ބޯޓެއް އަތުލައިގެންފި
މާދަމާ މާފަންނުގެ ބައެއް ތަންތަނުން ކަރަންޓު ކެނޑިދާނެ ކަމަށް ސްޓެލްކޯއިން ބުނެފި
މި ފޮޓޯގެ ހަގީގަތް ޝަހީމްގެ ފޭސްބުކް ޕޯސްޓަކުން
ޝިޔާމް މ. ދިއްގަރު ކައުންސިލާ ބައްދަލުކުރައްވައިފި
މީކާއީލްގެ ފާޑުކިއުން މިނިސްޓަރު އިހްސާނަށް
އެޗްއާރްސީއެމްގެ ނައިބަކަށް މުއުމިނާ ހަމަޖައްސަން ކޮމިޓީން ރުހުންދީފި
ޚިޔާލުތައް (0)
މި ލިޔުމަށް އަދި އެއްވެސް ޚިޔާލެއް ޝާއިޢުކުރެވިފައެއް ނެތް. ފުރަތަމަ ޚިޔާލު ފާޅުކުރައްވާ ފަރާތަކަށް ވެލައްވާ!