ސީ-ޓުއެއާ ކާގޯގެ ހިދުމަތާ 12 ވަނަ އެއާލައިން ގުޅިއްޖެ

ސީ-ޓުއެއާ ކާގޯގެ ހިދުމަތާ އިތުރު އެއާލައިނަކުން ގުޅިއްޖެ އެވެ. ކަނޑުމަގުން މުދާ ރާއްޖެ ގެނެސް ގެނެސް ވައިގެ މަގުން މުދާ އެއް ތަނުން އަނެއް ތަނަށް ފޯރުކޮ ށްދިނުމުގެ ގޮތުން ދެމުންގެން އަންނަ ސީ-ޓު އެއާގެ ޚިދުމަތާ ވޯލްޑް ކާގޯ އެއާލައިނުން ގުޅުމުން އެ ޚިދުމަތާ ގުޅިފައިވާ އެއާލައިންގެ އަދަދު މިހާރުވަނީ  12 އަށް އިތުރުވެފައެވެ. އެމްޕީއެލް އާއި މޯލްޑިވްސް އެއާޕޯޓްސް ކޮމްޕެނީ ލިމިޓެޑް ގުޅިގެން މި އަހަރުގެ މާޗް މަހުގެ ތެރޭގައި ތައާރަފުކުރި ސީ-ޓު-އެއާ ކާގޯގެ މަސައްކަތް ފެށި ފަހުން މިހާތަނަށް 3 މިލިޔަނަށް ވުރެގިނަ ޑޮލަރު ރާއްޖޭގެ އިގުތިސާދަށް ވަދެފައިވާ ކަމަށް އެމްޕީއެލްގެ ސީއީއޯ ވަޖީހު ވަނީ ބުނެފައެވެ. ރާއްޖެ އިން ސީ-ޓު އެއާ ކާގޯގެ މަސައްކަތް ފެށުމާއެކު ބަނގުލަދޭޝް އިން އެގައުމުގައި ތައްޔާރުކުރުކުރާ ގާމަންޓް ކަނޑުމަގުން ރާއްޖެ ގެނެސް ވައިގެ މަގުން ޔޫރަޕަށް ފޮނުވުމުގެ މަސައްކަތް މިހާރުވަނީ ފަށާފައެވެ.