މޯލްޑިވްސް ބްރޯޑްކާސްޓިން ކޮމިޝަނުގެ މެންބަރު ކަމަށް ކުރިމަތިލާން ހުޅުވާލައިފި

މޯލްޑިވްސް ބްރޯޑްކާސްޓިން ކޮމިޝަނުގެ މެންބަރު ކަމަށް ކުރިމަތިލާން ރައީސް އޮފީހުން ހުޅުވާލައިފި އެވެ. ރައީސުް ޖުމްހޫރިއްޔާގެ އޮފީހުން މިއަދު ކޮށްފައިވާ އިއުލާނުގައި ބުނެފައިވަނީ މީޑިއާ ކޮމިޝަނުގައި މިހާރު ތިއްބެވި މެމްބަރުންގެ ތެރެއިން 2 މެމްބަރެއްގެ ދައުރު ހަމަވާތީ 2 މެންބަރުންގެ ޖާގައަށް މެމްބަރުން ނެގުމަށް ބޭއްނުންވާތީ އެ ކޮމިޝަނުގެ މެމްބަރުކަމަށް ކުރިމަތިލާން ބޭނުންވާ ފަރަތްތަކަށް ނޮވެމްބަރ މަހުގެ 26 ގެ ނިއަލަށް އެ ފުރުސަތު ހުޅުވާލާފައިވާކަމަށެވެ. މިހާރު މަޖިލިސް އަށް ހުށަހަޅާފައިވާ ގޮތުން އެބިލު ގާނޫނަކަށް ވެއްޖެނަމަ މިހާރު އޮތް މޯލްޑިވެސް ބްރޯޑްކާސްޓިންގ ކޮމިޝަނާއި މޯލްޑިވްސް މީޑިއާ ކައުންސިލް އުވާލައި މޯލްޑިވްސް މީޑިއާ އެންޑް ބްރޯޑްކާސްޓިންގ ގެ ނަމުގައި 7 މެމްބަރުންގެ މައްޗަށް އެކުލެވޭ ކޮމިޝަނެއް އުފައްދާނެއެވެ. ނަމަވެސް ރޭ ސަރުކާރަށް 1 އަހަރު ފުރުން ފާހަގަކުރުމަށް ބޭއްވި ރަސްމިއްޔާތުގައި ރައީސް ޑރ.މުޙައްމަދު މުއިއްޒު ވިދާޅުވެފައިވަނީ މިހާރު މަޖިލިސްއށް ހުށަހަޅާފައިވާ މީޑިއާ ބިލަށް އެމަނިކުފާނު ތާއިދު ނުކުރައްވާކަމަށާއި އެމަނިކުފާނަކީ މީޑިއާގެ މިނިވަންކަމަށް ވަރަށްބޮޑަށް ތާއިދުކުރައްވާ ބޭފުޅެއް ކަމަށެވެ.