ޕީއެންސީއާ ވާދަކުރެވޭނެ އެހެން ޕާޓީއެއް މިހާރަކު ނެތް: އަބްދުއްރަހީމް

މެމްބަރުންގެ ގޮތުން ޕީއެންސީއާ ވާދަކުރެވޭނެ އެހެން ޕާޓީއެއް މިހާރަކު ނެތްކަމަށް ޕީއެންސީގެ ޗެއާޕާސަން އަބްދުއްރަހީމް އަބްދުﷲ ވިދާޅުވެއްޖެއެވެ. އަބްދުލްރަހީމް ވިދާޅުވީ ޕީއެންސީއަށްވުރެ މެމްބަރުންގިނަ އެއްވެސް ރަށެއް ރާއްޖޭގައި މިހާރު ނޯންނާނެ ކަމަށާއި، މާލެއިން އެކަނިވެސް އެޕާޓީއަށް ވަންނަން 30 ހާހަށް ވުރެ މީހުން ފޯމު ފުރާފައިވާ ކަމަށެވެ. އަބްދުއްރަހީމް އިތުރަށް ވިދާޅުވީ މެމްބަރުންގެ ގޮތުން ވެސް ޚަރަކާތްތައް ހިންގުމުގެ ގޮތުން ވެސް ޕީއެންސީއާ ވާދަކުރެވޭނެ ވަރުގެ ޕާޓީއެއް މިހާރު ދެން ރާއްގައި ނޯންނާނެ ކަމަށާއި އެގޮތަށް ޕާޓީގެ ކަނަކަން ކުރިއަށް ގެންދެވުމަކީ ރައީސް ޑރ.މުއިއްޒުގެ އާމާޒެއް ކަމަށެވެ. ޕީއެންސީ އިން ދަނީ ސަރުކާރާށް 1 އަހަރު ފުރުން ފާހަގަކުރުމާ ދިމާކޮށް އެޕާޓީއަށް 75 ހާސް މެމްބަރުން ވެއްދުމަށް ފުޅާ ދާއިރތާއެއްގައި މެމްބަރޝިޕް އިތުރުކުރުމުގެ ޚަރަކާތްތައް ހިންގަމުންނެވެ. އެޕާޓީގެ ބައެއް އިސަފަރާތްތަކުން ބުނާގޮތުގައި އެޕާޓީގެ މެމްބަރޝިޕްގެ އަދަދު މިހާރުވަނީ 80 ހާހުން މައްޗަށް އަރާފައެވެ.