ކޮވިޑާ ބެހޭ ބޮޑު އޮޑިޓެއް ހަދަން ތައްޔާރުވަމުންދާ ކަމަށް މިނިސްޓަރ ސައީދު ވިދާޅުވެއްޖެ

ކޮވިޑާ ބެހޭ ބޮޑު އޮޑިޓެއް ހަދަން ތައްޔާރުވަމުންދާ ކަމަށް މިނިސްޓަރ ސައީދު ވިދާޅުވެއްޖެއެވެ. ސަރުކާރަށް އެއް އަހަރު ފުރުމާ ދިމާކޮށް ދައުލަތުގެ މީޑިއާ އިން ގެނެސްދިން ޕްރޮގްރާމެއްގައި ވާހަކަދައްކަމުން މިނިސްޓަރ ސައީދު ވިދާޅުވީ ކޮވިޑް އެކިގޮތްގޮތުން 8.7 ބިލިއަން ރުފިޔާގެ ހިލޭ އެހީ ރާއްޖެއަށް ލިބިފައިވާކަމަށާއި އޭރުގެ ސަރުކާރުން ހަދާފައިވާ އެކްސްޕެންޑިޗާ ރިޕޯޓްތަކުން ދައްކާ ގޮތުގައި ކޮވިޑަށް ކުރި ހަރަދު ކަމަށް ފެންނަން އޮތީ 4.2 ބިލިއަން ރުފިޔާ ކަމަށެވެ. އެހެންކަމުން އަނެއް 4 ބިލިއަން ރުފިޔާ އަށް ވީގޮތެއް ފެންނަން ނެތްކަމަށެވެ.

އަޅުގަނޑުގެ ސުވާލަކީ ކޮބާހޭ ކޮވިޑަށް ލިބުނު އަނެއް 4 ބިލިޔަން ރުފިޔާ. އެ ފައިސާ ދިޔައީ ކޮންބައެއްގެ އެކައުންޓްތަކަށްތޯ އެ ފައިސާ ދިޔައީ. މި ކަންކަން ނުބެލޭކަމަށްވަންޏާ ރައްޔިތުންގެ އިތުބާރު އެބަޔަކާ ދޭތެރޭގައި ގެއްލިގެންދާތަން މާޒީގައި ފެނިފައި އޮތީ

އިތުރަށް ވާހަކަ ދައްކަވަމުން މިނިސްޓަރ ސައިޑު ވިދާޅުވީ ކޮވިޑާ ބެހޭ ބޮޑު އޮޑިޓެއް ހަދަން ތައްޔާރުވަމުންދާ ކަމަށާއި އެ އޮޑިޓް ނިމުމުން މިކަމުގައި ވެފައިވަނީ ކިހާ ވަރެއްގެ ހިޔާނަތްތަކެއްކަން އެނގިގެންދާނެ ކަމަށާއި، ރައީސް ޑރ. މުހައްމަދު ސިޔާސީ ބޭފުޅުން ހައްޔަރު ނުކުރައްވާނެ ކަމަށާއި ނަމަވެސް ގާނޫނީ ވެރިކަމެއް ކުރާނަމަ ދައުލަތުން ވައްކަން ކޮށްފިނަމަ އެކަން ބެލެންޖެހޭނެ ކަމަށާއި، މިއަދު ދައުލަތުގެ މުވައްސަސާސާތަކުގެ ތެރޭގައި ހުރިހާ ކަމެއް ބެލޭނެ ޖާގަ ވެސް އެބައޮތް ކަމަށެވެ.