ސައުދީ ފަންޑް ފޯ ޑިވެލޮޕްމަންޓްގެ ޗީފް އެގްޒެކެޓިވް އޮފިސަރާއި ރައީސް ޑރ.މުއިއްޒު ބައްދަލުކުރައްވައިފި

ސައުދީ ފަންޑް ފޯ ޑިވެލޮޕްމަންޓްގެ ޗީފް އެގްޒެކެޓިވް އޮފިސަރު ސުލްތާން ބިން އަބްދުއްރަޙްމާން އަލް މަރްޝަދާއި ރައީސް ޑރ.މުހައްމަދު މުއިއްޒު ބައްދަލުކުރައްވައިފި އެވެ. ސަޢޫދީ ޢަރަބިއްޔާގެ ރިޔާޟުގައި ކުރިއަށްދާ ޖޮއިންޓް އަރަބް-އިސްލާމިކް ސަމިޓުގެ ހަވާސާގައި ބޭއްވި އެ ބައްދަލުކުރެއްވުމުގައި ރާއްޖެއަށް މިވަގުތަށް އެހީތެރިކަން ބޭނުންވާ ދާއިރާތަކާއި، އިތުރު ދާއިރާތަކުން ގުޅުން ބަދަހިކުރެއްވުމާ ގުޅޭ ގޮތުންނާއި، ސަޢުދީ ފަންޑުގެ އެހީގައި ރާއްޖޭގައި މިވަގުތު ކުރިއަށްދާ ބައެއް ބޮޑެތި މަޝްރޫޢުތަކާ ގުޅޭގޮތުން. ފުޅާ ދާއިރާއެއްގައި މަޝްވަރާކުރައްވާފައިވާ ކަމަށް ރައީސުލްޖުމްހޫރިއްޔާގެ އޮފީހުން ވަނީ ހާމަކޮށްފައެވެ. އެގޮތުން ރާއްޖޭގައި މިވަގުތު ސައުދީ ފަންޑުގެ އެހީގައި ހިންގަމުން އަންނަ ބޮޑެތި މަސްރޫޢު ތަކުގެ ތެރޭގައި ހިމެނޭ ވެލާނާ އިންޓަނޭޝަނަލް އެއާޕޯޓް ތަރައްޤީކުރުމަށް ހިންގާ ބިޔަ މަޝްރޫޢުއާއި، ޢުމްރާނީ ތަރައްޤީގެ ދާއިރާއިން ކުރިއަށްދާ މަޝްރޫޢުތަކާއި، މަސްވެރިކަމާބެހޭ ސިނާޢަތުގައި ކުރިއަށްދާ އެކި މަޝްރޫޢުތަކާ ގުޅޭ މަޢުލޫމާތު ހިއްސާކުރައްވާފައިވެ ރައީސް އޮފީހުން ބުނެފައިވަނީ އެ މަޝްރޫޢުތަކުގެ މަސައްކަތް އަވަހަށް ނިންމުމާ ގުޅޭގޮތުން ދެ ބޭފުޅުން ވަނީ މަޝްވަރާކުރައްވާފައިކަމަށާއި އެގޮތުން ސަޢުދީ ޑިވެލޮޕްމަންޓް ފަންޑުގެ ސީއީއޯ ވަނީ ރާއްޖެ އަށް އެއްބާރުލުން ދިނުންމަތީ ދެމި ތިބޭނެކަމުގެ ޔަގީންކަން އަރުވާފައިކަމަށެވެ.