9 ކަމެއް ކޮށްލައިގެން 2 މަސް ތެރޭގައި ޒުވާންކަން އިތުރުކޮށްލެވިދާނެ

ޒުވާން ރީތި ދުޅަހެޔޮ ސިއްހަތު ރަނގަޅު ހަށިގަނެޑެއް ލިބުމަކީ ކޮންމެ މީހަކުވެސް އެދޭނެ ކަމެކެވެ. ނަމަވެސް އެކަމަކީ ހަމަ ހުރެލައިވާ ވާ ކަމަކަށްވުރެ ބޮޑަށް މީހާގެ ކޮންމެ ދުވަހަކު ބަހައްޓަމުން އަންނަ ދިރިއުޅުމުގެ އާދަތަކުގެ ސަބަބުން ހަށިގަނޑަށް ގެނެސްދޭ ބަދަލެކެވެ. ހަށިގަނޑު ޒުވާންކަންމަތީ ބެހެެއްޓުމުގެ ހުވަފެން ކޮންމެ މީހަކުވެސް ދެކޭނެއެވެ. އަދި ގިނަ މީހުން ދެކޭގޮތުގައި ހަށިގަނޑު ޒުވާންކަން މަތީ ބަހައްޓަން ކުރަންޖެހޭ މަސައްކަތަކީ އަގުބޮޑު އަދި އެހާމެ ބުރަ މަސައްކަތެކެވެ. އެހެން ކަމުން ކަމުގެ ތަޖުރިބާކާރުންގެ ގެ ދިރާސާތަކުގެ އަލީގައި ހަށިގަނޑު ޒުވާންކަންމަތީ ބެހެއްޓުމަށް ޚަރަދަކާ ނުލައި ކުރެވިދާނެ ނުވަ ކަމެއް ގެނެސްދޭނަމެވެ. ދިރިއުޅުމުގެ އާދަތަކަށް އެ 9 ބަދަލު ގެނެސްފިނަމަ 60 ދުވަހުގެ ތެރޭގައި ހަށިގަނޑުން ޒުވާންކަން ފާހަގަކުރެވެން ފަށާނެއެވެ.

1- ގިނަގިނައިން ފެން ބުއިން

ފެން ބުއިމަކީ ވަރަށް އާދައިގެ ކަމެއް ނަމަވެސް ގިނައިން ފެން ބުއިމަކީ ހަށިގަނޑަށް ޒުވާންކަން ގެނެސްދޭ އެއް ސިއްރެވެ. މިއީ ވަރަށް އާދައިގެ ކަމެއް ނަމަވެސް އަޅުގަނޑުމެންގެ ތެރެއިން ގިނަ ބަޔަކު އެކަމަށް އިހުމާލުވެއެވެ. ފެން މަދުވުމުގެ ސަބަބުން ހަށިގަނޑު ޑީހައިޑްރޭޓްވެ މޫނުމަތިން ވަރުބަލިކަން ފެންނަން ހުންނާއެވެ. އަދި މޫނުގެ މަޑު ހަންގަނޑާއި ލޮލުގެ ތިރީކައިރި ކަޅު ވުމުގެ އިތުރުން ރޫ އެރުން ދަފަ ކަންކަން ކުރިމަތިވާނެއެވެ. ދުވާލަކު މަދުވެގެން 8 ތަށި ފެން ބޯން އާދަކުރާށެވެ. ހައިޑްރޭޝަން އަކީ ހަންގަނޑު އޮމާންކޮށްދީ ޒުވާންކަންމަތީ ދެމެހެއްޓުމަށް މުހިންމު އެއްޗެކެވެ. ގިނަގިނައިން ފެން ބުއިމުގެ ސަބަބުން ރިންކުލްތައް ނައްތާލުމުގެ އިތުރުން ޑިޓޮކްސިފިކޭޝަން ޕްރޮސެސްއަށް އެހީތެރިވެދެއެވެ. އަދި އޭގެ ސަބަބުން ތާޒާ ސިފައަކަށް ވެސް އެހީތެރިވެދެ އެވެ.

2- ސަންސްކްރީން ބޭނުންކުރުން

ގިނަ މީހުންނަށް ހީވެފައި އޮންނަނީ ސަންސްކްރީން އަކީ ހަމައެކަނި ޕިކްނިކު ދާއިރު ނުވަތަ ގިނަވަގުތު އަވީގައި އުޅެން ޖެހުމުން ބޭނުންކުރަންޖެހޭ އެއްޗެއް ކަމށެވެ. ހަގީގަތަކީ އިރުގެ އަލިން ފޮނުވާ ޔޫވީ ރޭތައް ހިޔަލުގައި ހުއްޓަސް ހަންގަނޑަށް ވާސިލްވެ އެއިން ހަންގަނޑަށް ގެއްލުންދޭކަމެވެ. އެގޮތުން ހަންގަނޑު ރޫޖެހުމާއި ކަޅުވުވެ ހަންގަނޑުން ވަރުބަލިކަން ފެންނަންފަށައެވެ. އެހެންކަމުން ދުވާލުގަޑީގައި އަބަދުވެސް އެންމެ ކުޑަމިނުން އެސްޕީއެފް 30 ހިމެނޭ ލޯޝަނެއް ބޭނުންކުރުމަކީ ކޮންމެހެން ކުރަންޖެހޭ ކަމެކެވެ. ހަފްތާއެއް ވަނެދެއް ކޮންމެ ދުވަހަކު އެސްޕީއެފް 30 އެކުލެވޭ ލޯޝަނެއް ބޭނުންކޮށްފިިނަމަ ނަތީޖާ ފެންނަން ފަށާނެއެވެ.

3- އަރާމު ނިދި

އަރާމު ނިންޖަކީވެސް ދުޅަހެޔޮ ޒުވާން ހަށިގަނޑަކަށް ކޮންމެހެންވެސް މުހިއްމު ކަމެކެވެ. ނިދުމުން ހަށިގަނޑު ގައި މަރާމާތުގެ މަސައްކަތްތައް ހިނަގަން ފަށައެވެ. އެގޮތުން ހަންގަނޑަށް ލިބިފައި ގެއްލުންތަށް މަރާތުކޮށްދެއެވެ. ހަމަ ނިދި ނުލިބޭނަމަ މުސްކުޅިކަން ފެންނަން ފަށާލެއް އަވަސްވެއެވެ. ނިދުމުގެ ތެރޭގައި ހަށިގަނޑުން ކޮލެޖަން އުފައްދައެވެ ކޮލެޖަން އަކީ ހަމުގެ އިލަސްޓިސްޓިކް ކަން ވަރުގަދަކޮށްދީ ރިންކްލްސް އިން ރައްކާތެރިވުމަށް އެހީތެރިވެދޭ ޕްރޮޓީންއެކެވެ. ހޭލާ ހުންނައިރު ހަށިގަނޑުގައި ކޮލެހޖަން އުފައްދާވަރުގެ 3 ގުނަ ނިދާފައި އޮންނައިރު ހަށިގަނޑުގައި އުފައްދައެވެ. އެހެންކަމުން މަދުވެގެން 7 ގަޑިއިރާއި 9 ގަޑިއިރު އާދަވެގެން ނިދާނަމަ ހަނގަނޑާއި މޫނުމަތިން ތާޒާކަން ފެންނަން ފަށާނެއެވެ.

4) ދާހިއްލުން

ކަސްރަތަކީ ހަމައެކަނި ހިތާއި މަސްތަކާއި ނަފްސާނީ ދުޅަހެޔޮކަމުގެ އިތުރުން ހަންގަނޑު ޒުވާންކޮށް އުޖާލާކޮށް ބެހެއްޓުމަށް ވެސް ވަރަށް ރަނގަޅު ގޮތެކެވެ. ކަސްރަތު ކުރާއިރު ހަންގަނޑަށް ލޭ ދައުރުވުން އިތުރުކޮށްދޭ އިރު އޭގެ ސަބަބުން އޮކްސިޖަން އާއި ހަމުގެ ދުޅަހެޔޮކަން ރަނގަޅުކޮށްދޭ ނިއުޓްރިއެންޓްސް ވެސް ފޯރުކޮށްދެއެވެ. ސަރކިއުލޭޝަން އިތުރުވުމުގެ ސަބަބުން ހަށިގަނޑަށް ކޮލެޖަން އުފެއްދުމަށް މަގުފަހިވެ ހަންގަނޑު ތާޒާވެ ޒުވާންކަން އިތުރުވެގެންދެއެވެ. މީގެ އިތުރުން ކަސްރަތު ކުރާއިރު ދާހިއްލުމަކީ ހަށިގަނޑާއި ހަމުގައި އުފެދޭ ވިހަ މާއްދާތަކުން ސަލާމަތްވުމަށް އެހީތެރިވެދޭ ކަމެކެވެ.

5- މޭވާއާއި ތަރުކާރީ ބޭނުނކުރުން

މޭވާ އާއި ތަރުކާރީ އަކީ މުސްކުޅިވުމަށް އެހީތެރިވެދޭ ފްރީ ރެޑިކަލްތަކާ ދެކޮޅަށް މަސައްކަތްކުރާ އެންޓިއޮކްސިޑެންޓްތައް އެކުލެވިގެންވާ އެޗެކެވެ. އެގޮތުން ރަތް ބެލް ޕެޕަރަކީ އެންޓި-އޭޖިންއަށް ވަރަށް މުހިއްމު އެންޓިއޮކްސިޑެންޓްސް އެކުލެވިގެންވާ އެއްޗެކެވެ. ހަމައެފަދައިން ފަޅޯ އަކީ އެންޓިއޮކްސިޑެންޓްސް، ވިޓަމިންސް އަދި މިނަރަލްސް އެކުލެވިގެންވާ ސުޕަފުޑެއް ކަމުން ހަންގަނޑުގެ އިލަސްޓިސްޓިކް ރަނގަޅުކޮށް، ފައިން ލައިންތައް ފެންނަ މިންވަރު ކުޑަކޮށްދެއެވެ.

6- ނަފްސާނީ ހަމަޖެހުން

ސްޓްރެސްގެ ސަބަބުން ހަށިގަނޑަށް ކުރާ ނޭދެވޭ އަސަރުތަކުގެ ބތެރޭގައި ހަންގަނޑުވެސް ވަރަށްބޮޑެތި ގެއްލުންތައް ލިބެއެވެ. އެގޮތުން ސްޓްރެސްވުމުން ހަށިގަނޑުގައި ކޯޓިސޯލް ނަމަކަށް ކިޔާ ހޯމޯނެއް އުފައްދައި، ހަންގަނޑުގެ އެކި ކަހަލަ މައްސަލަތައް ކުރިމަތިވެ، ހަންގަނޑުގައި ރިއްސުން، ރިންކްލްސް އަދި ރޮޒޭސިއާ ފަދަ މައްސަލަތައް ކުރިމަތިވެ އެވެ. ޔޯގާގެ ޒަރިއްޔާއިން ވިޔަސް، މެޑިޓޭޝަންގެ ޒަރިއްޔާއިން ވިޔަސް، ނުވަތަ ކޮންމެ ދުވަހަކު ވެސް ސްޓްރެސް ކުޑަކުރުމަށް މަސައްކަތްކުރުމަކީ ޒުވާން ކަންމަތީ ދެމިހުރުމަށް ވަރަށް މުޙިއްމު ކަމެކެވެ.

7- ދުންފަތުގެ އިސްތިއުމާލުނުކުރުން

ދުންފަތުގެ އިސްތިއުމާލު ކުރުމަކީ ހަމުގެ ބޭރު ފަށަލަތަކުގައި ހުންނަ ލޭހޮޅިތައް ކުރުކޮށްދޭ އެއްޗެކެވެ. މާނައަކީ ހަންގަނޑަށް އެހާ ގިނައިން އޮކްސިޖަން ނުވަތަ މުހިންމު ނިއުޓްރިއެންޓްސް ނުލިބުމެވެ. މީގެ އިތުރުން ދުންފަތުގެ ދުމުގައި ހިމެނޭ ކެމިކަލްތަކުގެ ސަބަބުން ކޮލެޖަން އާއި އެލާސްޓިން އަށް ގެއްލުން ލިބޭ އިރު، އެއީ ހަންގަނޑު ތާޒާކޮށް އިލާސްޓިކްކޮށް ބެހެއްޓުމަށް ވަރަށް މުހިންމު އެއްޗެކެވެ.

8- އަލްކަހޯލް އެކުލެވޭ އެއްޗެހި ބޭނުން ނުކުރުން

އަލްކޮހޯލްގެ ސަބަބުން ހަށިގަނޑު ޑީހައިޑްރޭޓްވެ ހަންގަނޑު ހިކިކޮށްލައެވެ. އޭގެ ސަބަބުން އިންފްލެމޭޝަން ވެސް އުފެދޭ ކަމަށާއި، އޭގެ ސަބަބުން ހަންގަނޑާއި ރިންކްލްސް ވެސް ފަޅައިގެން ދިއުމަށް މަގުފަހިވެއެވެ.

9- ހަންގަނޑު ދެކެ ލޯބިވުން

ހަންގަނޑަށް އެންމެ ފުރިހަމަގޮތުގައި އަޅާލާނަމަ ހަންގަނޑުން އެމީހާއާއަށް އުފާވެރިކަން ގެނެސްދޭނެއެވެ. ހައިޑްރޭޝަނުން ފެށިގެން މައިންޑްފުލްނެސް އާ ހަމައަށް - މި ބެލެންސް އެހީތެރިވެދެއެވެ. އެއީ ހަމައެކަނި ހަންގަނޑު ރަނގަޅުކުރުމުގެ އިތުރުން ހަށިގަނޑުގެ ދުޅަހެޔޮކަން އިތުރުކުރުމެވެ. ރޭގަނޑު ރަނގަޅަށް ނިދުމަކީ ސްޓްރެސް ލެވެލް ދަށްކޮށްދޭ ކަމެކެވެ. ސިއްހަތަށް ފައިދާހުރި ކާނާ ކެއުމަކީ ކަސްރަތު ރޫޓިންއަށް އެހީތެރިވެދޭ އެއްޗެކެވެ. އަދި މި ހުރިހާ ކަމަކުން ވެސް ދުޅަހެޔޮ، ޒުވާން ހަންގަނޑެއް ލިބުމަށް އެހީތެރިވެދެ އެވެ.