ކައިވެނީގެ ރަން ދިނުމަށް ހުކުމްކޮށްފި

2021 ވަނަ އަހަރު ކޮށްފައިވާ ކައިވެންޏެއްގެ ރަން ނުދީގެން ކޯޓަށް ހުށހެޅި މައްސަލައެއްގައި ކައިވެނީގެ ރަން ދިނުމަށް ފިރިހެން މީހާގެ މައްޗަށް ހުކުމް ކޮށްފިއެވެ. މި ދިޔަ އޮކްޓޯބަރ މަހު 17 ވަނަ ދުވަހު ފެމިލީކޯޓުން ކޮށްފައިވާ ހުކުމުގައި ބުނެފައިވަނީ މައްސަލަ ހުށަހެޅިފަރާތާ މައްސަލަ ރައްދުވާ ފަރާތާ ދެމެދު 21 ޖޫން 2021 ގައި ކޮށްފައިވާ ކަމާއި އެކައިވެނީގެ ރަނަކީ 85000 (އަށްޑިހަ ފަސް ހާސް) ދިވެހި ރުފިޔާ ކަން އިނގޭ ކަމަށާއި އަދި 19 ފެބުރުއަރީ 2024 ގައި އެ ދެމީހުން ވަރިވުމަށްފަހު ވަރި ސާބިތުކޮށްފައިވާކަން ވެސް ހުށަހެޅިފައިވާ ލިޔެކިޔުންތަކުން އިނގޭ ކަމަށެވެ. އެ ދެމީހުންގެ ކައިވެނީގެ ރަނުގެ މައްސަލާގައި އަންހެން މީހާގެ ފަރާތުން ހުސަހަޅާފައިވާ ދައުވާ އާއިގުޅިގެން ބޭއްވުނު ޝަރީއަތުގެ މަޖިލިސްތަކާއި ހުށަހަޅާފައިހުރި ލިޔެކިޔުންތަކުން ފިރިހެންމީހާ އަންހެން މީހާ އަށް އެދެމީހުން 2021 ވަނަ އަހަރު ކޮށްފައިވާ ކައިވެނީގެ ރަން ދީފައިނުވާކަން ސާބިތުވެފައިވާކަން ބަޔާންކޮށް ކޯޓުގެ ހުކުމުގައި ބުނެފައިވަނީ އެދެމީހުންގެ ކައިވެނީގެ ރަން ކަމުގައިވާ 85000 (އަށްޑިހަ ފަސް ހާސް) ދިވެހި ރުފިޔާ 1 ނޮވެމްބަރ 2024 އިން ފެށިގެން ކޮންމެ މަހަކު 8500 (އަށް ހާސް ފަސްސަތޭކަ ރުފިޔާ) މަގުން ކުރިއަށް އޮތް 10 މަސްދުވަހުގެ ތެރޭގައި ފެމެލީ ކޯޓަށް ދައްކައި ޚަލާސްކުރުމަށް ފެމެލީ ކޯޓުން ވަނީ ހުކުމް ކޮށްފައެވެ.