67 ސިނގިރޭޓް ކާޓަން ވަގަށް ނެގި މީހަކު ހައްޔަރުކޮށްފި

67 ސިނގިރޭޓް ކާޓަން ވަގަށް ނެގި މީހަކު ފުލުހުން ހައްޔަރުކޮށްފިއެވެ. ފުލކުހުން ބުނެފައިވަނީ ނޮވެމްބަރ 2 ވަނަ ދުވަހުގެ ފަތިހު 5:40 ހާއިރު މަޖީދީމަގު އޮލިމްޕަސް ކައިރިންދިޔަ މީހަކާ މެދު ތުހުމަތު ކުރެވިގެން ހުއްޓުވައި، އޭނާ ގެންގުޅުނު ދަބަސްތަކަކާއި ކޮތަޅުތަކެއް ބަލައި ފާސްކުރުމުގެ ތެރެއިން 67 ކާޓަން ސިނގިރޭޓް ފެނިފައިވާ ކަމަށާއި، އެތަކެއްޗަކީ ވަގަށް ނަގާފައިވާ ތަކެތިކަމަށް ތުހުމަތުކުރެވިގެން އިތުރަށް ބެލިބެލުމުން ސިނގިރޭޓް ކާޓަންތަކަކީ އޯޝަން ނޯޓިކަލް ޕްރައިވެޓް ލިމިޓެޑުން އޭނާ ވަަގަށް ނަގާފައިވާ ތަކެތިކަން އެނގިފައިވާ ކަމަށެވެ. އެ މައްސަލައާ ގުޅިގެން ށ. ފޭދޫ ހިރުދުމާގެ 24 އަހަރުގެ އަހުމަދު ލުޖައިން ،24، ހައްޔަރުކޮށް އޭނާގެ ބަންދާއި މެދު ގޮތެއް ނިންމަން ކޯޓަށް ހާޒިރުކުރުމުން އިތުރު 5 ދުވަހަށް ބަންދުގައި ބަހައްޓަން އަމުރުކޮށްފައިވާކަމަށްވެސް ފުލުހުން ބުނެފައިވެއެވެ.