ހޯކްސްއިން ބުނީ އެކުންފުނީގެ ބޯޓެއްގައި ވަގަށް ސިނގިރެޓް އެތެރެކުރުމަކީ ބަޔަކު ހިންގި ޖަރީމާއެއް ކަމަށް

ތެލުގެ ވިޔަފާރީގައި މަޝްހޫރު ހޯކްސް ޕްރައިވެޓް ލިމިޓެޑްގެ ބޯޓަކުން ވަގަށް ސިނގިރެޓް އެތެރެކުރުމަކީ އެކުންފުނީގެ ބައެއް މުވައްޒަފުން ބޭރު ބަޔަކާ ގުޅިގެން ހިންގާފައިވާ ގާނޫނާ ޚިލާފު ޖަރީމާއެއް ކަމަށް އެކުންފުނިން ބުނެފިއެވެ. ރާއްޖެއަށް ތެޔޮ އެތެރެކުރާ އެކުންފުނީގެ ބޯޓަކުން އެއް މިލިއަން ސިނގިރެޓް ސްޓިކްސް ކަސްޓަމްސްއިން މިދިޔަ ހުކުރު ދުވަހުގެ ރޭ ވަނީ އަތުލައިގެންފައެވެ. އެސިނގިރެޓް ކަސްޓަމްސްއިން ހިފެހެއްޓީ ޓިޝޫގެ ނަމުގައި ޑިކްލެއަކޮށްގެން ވަގަށް އެތެރެކުރަން މަސައްކަތްކުރަނިކޮށެވެ. އެކަމާ ގުޅިގެން ހޯކްސްއިން ބުނީ އެއަމަލު ހަރުކަށި އިބާރާތުން ކުށްވެރިކުރާ ކަމަށާއި އެމައްސަލަ ތަހުގީގުކުރުމަށް ކަމާ ބެހޭ އިދާރާތަކަށް ފުރިހަމަ އެއްބާރުލުން ދޭނެ ކަމަށެވެ.