ގެދޮރުވެރިޔާ ފުލެޓް ލިބޭ މީހުންގެ ލިސްޓް އާއްމުކުރުން އަންނަމަހުގެ 2 ވަނަ ހަފްތާއަށް ފަސްކޮށްފި

ގެދޮރުވެރިޔާ ފުލެޓް ލިބޭ މީހުންގެ ލިސްޓް އާއްމުކުރުން އަންނަމަހުގެ 2 ވަނަ ހަފްތާއަށް ފަސްކޮށްފިއެވެ. އެކަން ބަޔާންކޮށް މިނިސްޓްރީ އޮފް ހައުސިންގ، ލޭންޑް އެންޑް އާބަން ޑިވެލޮޕްމަންޓުން ނެރެފައިވާ ނޫސްބަޔާނުގައި ބުނެފައިވަނީ ގެދޮރުވެރިޔާ ސްކީމްގެ ދަށުން ފްލެޓް ލިބުނު ފަރާތްތަކުގެ ދާއިމީ ލިސްޓް އަލުން އިވެލުއޭޓް ކުރަން ފަށާފައިވާތީ، އެމަސްއަކަތް ފުރިހަމައަށް ނިންމުމަށް މިނިިސްޓަރީއަށް އިތުރު ވަގުތު ބޭނުންވާތީ އަންނަ ނޮވެންބަރ މަހުގެ 2 ވަނަ ހަފްތާއަށް ލިސްޓް އާއްމުކުރުން ފަސްކޮށްފައިވާ ކަމަށެވެ. އެ ނޫސްބަޔާނުގައި ބުނެފައިވަނީ ފުލެޓް ލިބޭ މީހުންގެ ދާއިމީ ލިސްޓް އަލުން އިވެލުއޭޓް ކުރަން ފަށާފައިވަނީ އާއްމު ފަރާތްތަކުން އެންޓިކަރަޕްޝަން ކޮމިޝަނަށް ހުށަހަޅާފައިވާ މައްސަލަތަކަކާ ގުޅިގެން އެންޓިކަރަޕްޝަން ކޮމިޝަނުން އެ މައްސަލަތައް ބަލަމުންގެންދާތީ، ރައީސް ޑރ. މުހައްމަދު މުއިއްޒުގެ ލަފާފުޅުގެ މަތިން އެކުލަވާލެވުނު "ހައުސިން އެޑްވައިޒަރީ ކޮމިޓީ" އާއި މާލެ ސިޓީ ކައުންސިލުން އެކުލަވާލި "ހައުސިން ކޮމްސަލްޓެޓިވް ކޮމެޓީ" އަށްވެސް ކުރިން ނެރެފައިވާ ދާއިމީ ލިސްޓް ނެރެފައިވާ ގޮތް ރަނގަޅުކަމަށް ނުފެންނާތީ ކަމަށް ބަޔާންކޮށްފައިވެއެވެ.