ދުނިޔޭގައި އިމާރާތްކުރާ އެއްމެ ބޮޑު އިމާރާތް (މުކާބް) ގެ މަސައްކަތް ސައުދީ އަރަބިއްޔާގައި ފަށައިފި

ދުނިޔޭގައި އިމާރާތްކުރާ އެއްމެ ބޮޑު އިމާރާތް "މުކާބް" ގެ ގްރައުންޑް މަސައްކަތުގެ 86 އިންސައްތަ ނިމިފައިވާކަމަށް އެ އިމާރާތް ތަރައްގީކުރާ ނިއު މުރައްބާ ޑިވެލޮޕްމަންޓް ކޮމްޕެނީން ބުނެފިއެވެ. ސައުދީ އަރަބިއްޔާގެ ސެންޓްރަލް ޕަބްލިކް އިންވެސްޓްމަންޓް ފަންޑް (ޕީއައިއެފް) އިން ފަންޑުކޮށްގެން ސައުދީ އަރަބިއްޔާގެ ރިޔާޒުގެ ހުޅަނގު އުތުރުގެ 19 އަކަ ކިލޯމީޓަރގެ ސަރަޙއްދެއްގައި އިމާރާތްކުރާ އެ އިމާރާތަކީ ފަރާތެއްގައި 1312 ފޫޓް (4 ފްޓްބޯޅަ ދަނޑުގެ ދިގުމިން) އުސްމިނުގައިވެސް 1312 ފޫޓު ހުންނަ ކިއުބެއް (ހަތަރެސްކަން ހަމަ) ގޮތައް  އިމާރާތްކުރާ އިމާރާތެކެވެ. އެ އިމާރާތައް ސައުދީ އަރަބިއްޔާއިން ކިޔާފައިވާ ނަމަކީ "މުކާބް" އެވެ. އެޓްކިންސްރެލިސް އިން ފަރުމާކޮށްފައިވާ "މުކާބް" އަކީ މިހާތަނަށް އިމާރާތްކުރާ އެންމެ ބޮޑު އިމާރާތަށް ވާއިރު، ނިއުސް ސައިޓް ބްލޫމްބާގް އިން ސިފަކުރާ ގޮތުގައި މިއީ "ދުނިޔޭގައި ހެދާ އެންމެ ބޮޑު ބިނާ" އެވެ. މިވަގުތު ދުނިޔޭގައި ހުރި އެއްމެ ބޮޑު އިމާރާތަކީ އެމެރިކާގައި ހުންނަ ބޮއިން އެވަރެޓް ފެކްޓްރީއެވެ. ކިއުބްގެ (މުކާބް) އެތެރޭގައި ހުންނާނީ ބޮޑު، ގާތްގަނޑަކަށް ފުލް ހައިޓް އެޓްރިއަމްއެއް ކަމަށާއި އޭގެ މެދުގައި ސްޕައިލިން ޓަވަރެއް ހުންނާނެ ކަމަށެވެ. މި ޓަވަރުގެ ވަށައިގެން 2 މިލިއަން އަކަ މީޓަރުގެ ފިހާރަތަކާއި ސަގާފީ އަދި ފަތުރުވެރިންނަށް ހާއްސަ ބައިތައް ހުންނާނެއެވެ. މުކާބް ގެ ވަށައިގެން ހުންނާނީ ޒަމާނީ  އަދި ނަޖުދީ އާކިޓެކްޗަރަލް ގޮތްގަނޑު ދައްކުވައިދޭ، އޯވަލެޕިން ޓްރިއެންގަލަރ ފޯމްތަކުން ހަދާފައިވާ ވަކި ފޭޑެއްގައެވެ. އެ މަސައްކަތް ނިމުމުން މުކާބު ވާނީ ސައުދީ އަރަބިއްޔާގެ އާ ޑައުންޓައުންއެއްގެ ގޮތުގައި އުފައްދަމުން އަންނަ ނިއު މުރައްބާ ތަރައްގީގެ މަރުކަޒުގަ އެވެ. ނިއު މުރަބްބާގައި 1 ލައްކަ އަށްވުރެ ގިނަ ގެދޮރާއި  980،000 އަކަ މީޓަރުގެ ފިހާރަތަކާއި 1.4 މިލިއަން އަކަ މީޓަރުގެ އޮފީސް ޖާގައިގެ އިތުރުން ހޮޓާތަކާއި ކަލްޗާ ސެންޓަރު ތަކާއި ޔުނިވާސިޓީއަކާއި އިމާސިވް ތިއޭޓަރަކާއި "އައިކޮނިކް" މިއުޒިއަމެއް ހުންނާނެ ކަމަށް އެ ކުންފުނީގެ ޑިވެލޮޕަރުން ބުނެ އެވެ. ޕަބްލިކް އިންވެސްޓްމަންޓް ފަންޑުގެ ހިލޭ އެހީގެ ދަށުން ސައުދީ އަރަބިއްޔާގެ އިގްތިސާދު ޑައިވާސިފައި ކުރުމަށް އެކުލަވާލާފައިވާ ވިޝަން 2030 ސްޓްރެޓެޖީގެ ދަށުން 2030 ވަނަ އަހަރުގެ ނިޔަލަށް އެ އިމާރާތުގެ މަސައްކަތް ނިންމުމަށް ވަނީ ހަމަޖެހިފައެވެ.