ޓެކްސް އެޕީލް ޓްރައިބިއުނަލްގެ މެންބަރުކަމަށް އަޔަނުކުރުމަށް 4 ބޭފުޅަކަށް މަޖިޅިހުން ރުހުން ދީފި

ޓެކްސް އެޕީލް ޓްރައިބިއުނަލްގެ ހުސްވެފައިވާ 4 މެންބަރުންގެ މަގާމަށް ކުރިމަތިލި 13 ބޭފުޅުންގެ ތެރެއިން އެ ޓަރައިބިއުނަލް އަށް އައްޔަނުކުރުމަށް 4 ބޭފުޅަކަށް ރައްޔިތުންގެ މަޖިލީހުން ރުހުން ދެއްވައިފިއެވެ. ރައްޔިތުންގެ މަޖިލީހުގެ މިއަދުގެ ޖަލްސާގައި، ޓެކްސް އެޕީލް ޓްރައިބިއުނަލަށް ކުރިމަތި ލައްވާފައިވާ ފަރާތްތަކުގެ ތެރެއިން 4 ބޭފުޅަކަށް ރުހުން ދީފަައިވަނީ ވޯޓުގައި ބައިވެރިވި މެންބަރުންގެ ތެރެއިން 68 މެންބަރުންގެ ވޯޓުންނެވެ. ޓެކްސް އެޕީލް ޓްރައިބިއުނަލްގެ މެންބަރުކަމަށް އައްޔަނުކުރުމަށް ރުހުންދިނުމާ ގުޅޭގޮތުން މިއަދުގެ ޖަލްސާގައި 68 ވޯޓު ލިބިލައްވައިގެން ރުހުންދެއްވާފައިވަނީ ހ. ހޯސްސައިޑް އަބްދުލް ޣަނީ މުޙައްމަދު އާއި ގ. އަލްޝާ އިބްރާހިމް ޝަރީފް އާއި  ގ. މާވަރުލު ހަސަން ޒުހައިރު މުޙައްމަދު އާއި އަދި ގއ. ނިލަންދޫ ގަސްދޮށުގެ ޝިފްޒާ އަބްދުލްގައްޔޫމް އަށެވެ. ޓެކްސް އެޕީލް ޓްރިބިއުނަލްގައި ހިމެނިވަޑައިގަންނަވާ 5 މެންބަރުންގެ ތރެއިން 4 މެންބަރުންގެ ޖާގަ ހުސްވެފައިވަނީ މެންބަރުންގެ އެ ޓްރައިބިއުނަލްގެ މެމްބަރުންގެ ތެރޭގައި ހިމެނިވަޑައިގަންނަވާ މެމްބަރު އިސްމާއިލް ސާޖިދު ފިޔަވައި ދެން ތިއްބެވި 4 މެންބަރުން އެ ކޮމިޝަނުގެ މެންބަރުކަމުން ވަކިކުރުމަށް ލަފާދޭން މަޖިލީހުގެ ޖުޑިޝަރީ ކޮމިޓީން ނިންމައި އެ ލަފައާއިއެއްގޮތަށް މަޖިލީހުން އެގޮތަށް ފާސްކުރުމުންނެވެ.