ގުޅީފަޅުން ގޯތިލިބުނު މީހުންގެ މެދުގައި އަލުން ގުރުއަތުލަނީ

ބިންވެރިޔާ ސްކީމުގެ ދަށުން ގުޅީފަޅުން ގޯތި ލިބުނު މީހުންގެ މެދުގައި އަލުން ގުރުއަތު ނެގުމަށް ހައުސިން މިނިސްޓްރީން ނިންމައިފިއެވެ. ގުޅީފަޅުން ގޯތި ލިބުނު މީހުންގެ މެދުގައި އަލުން ގުރު ނަގަން ހައުސިން މިނިސްޓަރީން މަސައްކަތް ކުރަނީ އަލަށް ފާސްކުރި ލޭންޑް ޔޫސް ޕްލޭންގެ ސަބަބުން ގޯތި ލިބުނު މީހުންގެ ލޮޓްތަކަށް ބަދަލު އަންނާނެތީ ކަމަށްވެސް ހައުސިން މިނިސްޓްރީއިން ބުނެފައިވެ އެވެ. ގިރާވަރުފަޅާއި ގުޅީފަޅުގެ އާ ލޭންޑް ޔޫސް ޕްލޭން ފާސްކޮށް ގެޒެޓު ކުރީ މިމަހުގެ 16 ވަނަ ދުވަހު އެވެ. ގޯތި ލިބުނު މީހުންގެ މެދުގައި އަލުން ގުރުއަތުލުމަށް ބޭނުންވާ އައިޓީ ސާމާނު ސަޕްލައި ކޮށްދޭނެ ފަރާތެއް ހޯދަން ހައުސިން މިނިސްޓަރީން ކުރި އިއުލާނާ ގުޅިގެން މިއަދު މެންދުރު ފަހު 2:00 ގައި މައުލޫމާތު ސާފުކުރުން އޮންނާނެއެވެ. ސަރުކާރުގެ ގެޒެޓްގައި އިއުލާންކޮށްފައި ވަނީ، އައި7 ގެ ލެޕްޓޮޕަކާއި 24 އިންޗީގެ މޮނިޓަރެއްގެ އިތުރުން 55 އިންޗީގެ ހަތަރު ޓީވީ ހޯދުމަށެވެ.