ލައިސެންސް ނެތި ދުއްވި ސްޕޯޓްސް ކާރަކުން ޖެހި މީހަކު މަރުވި މައްސަލާގައި ދައުވާކުރަނީ

ލައިސެންސް ނެތި ދުއްވި ސްޕޯޓްސް ކާރަކުން ޖެހި މީހަކު ނިޔާވި މައްސަލާގައި ހައްޔަރު ކުރި ސ.ހިތަދޫ، ވަޔަލެޓްފެހި، މުހައްމަދު ވިސާމް ސިދްގީ(26 އ) ގެ މައްޗަށް ދައުވާކޮށްދިނުމަށް ޕީޖީ އަށް ފޮނުވައިފިއެވެ. ފުލުހުން ބުނީ މި މައްސަލަ ޕީޖީ އަށް ފޮނުވާފައިވަނީ މި މަހުގެ 19 ވަނަދުވަހު ކަމަށެވެ.

ސެޕްޓެންބަރު ހަ ވަނަ ދުވަހުގެރޭ ހުޅުމާލޭގައި ބާރު ސްޕީޑުގައި ދުއްވި ސްޕޯޓްސް ކާރު ސައިކަލެއް ޖެހި ހިނގި ނުރައްކާތެރި އެކްސިޑެންޓާއި ގުޅިގެން ސައިކަލު ދުއްވަނާ ވަނީ ނިޔާވެފައެވެ.

އުމުރުން 23 އަހަރުގެ ހަސަން ސަމާހު ނިޔާވީ އޭނާ ނިޔާވީ ބޮލަށާއި މޫނަށް ލިބުނު ސީރިއަސް އަނިޔާތަކެއްގެ ސަބަބުންނެވެ.