އޮޑިޓް އޮފީހުގެ އަންނަ އަހަރުގެ ބަޖެޓުގެ ގޮތުގައި 114 މިލިއަން ރުފިޔާ ރައްޔިތުންގެ މަޖިލީހުން މިއަދު ފާސްކޮށްފި އެވެ.
މަޖިލީހުގެ މިއަދުގެ ޖަލްސާގައި އޮޑިޓް އޮފީހުގެ ބަޖެޓް ފާސްކުރުމާ މެދު މެންބަރުންނަށް ފެނިވަޑައިގަންނަވާ ގޮތަކަށް ވޯޓު ދެއްވުމަށް ރިޔާސަތުން ފުރުސަތު ހުޅުވާލުމުން ބަޖެޓް ފާސްވީ ވޯޓުގައި ބައިވެރިވެވަޑައިގެންނެވި 75 މެންބަރުންގެ އިއްތިފާގުންނެވެ.
އޮޑިޓް އޮފީހުގެ އަންނަ އަހަރުގެ ބަޖެޓުގެ ގޮތުގައި ޖިލީހަށް ހުށަހެޅީ 99.5 މިލިއަން ރުފިޔާގެ ބަޖެޓެކެވެ. އެއީ ރިކަރަންޓް އަދި ކެޕިޓަލް ހަރަދުގެ ގޮތުގައި 80.4 މިލިއަން ރުފިޔާ އާއި ހުޅުމާލޭގައި ހަދާ އެ އޮފީހުގެ އާ އިމާރާތުގެ މަސައްކަތަށް 19 މިލިއަން ރުފިޔާ އެވެ.
އޮޑިޓް އޮފީހުން ހުށަހެޅީ 99.5 މިލިއަން ރުފިޔާ ހޯދަން ކަމަށްވީ ނަމަވެސް މަޖިލީހުން މިއަދު އޮޑިޓް އޮފީހުގެ ބަޖެޓް ފާސްކުރީ އެ އޮފީހުން ހުށަހެޅި އަދަދަށް ވުރެ 14.5 މިލިއަން ރުފިޔާ ބޮޑުކުރުމަށްފަހު އެެވެ. މިއީ އާންމު ގޮތެއްގައި އޮޑިޓް އޮފީސް ކަހަލަ މިނިވަން މުއައްސަސާތަކުން ބަޖެޓް ބޮޑުކޮށްދިނުމަށް މަޖިލީހުގައި ތަކުރާރުކޮށް އެދެމުން ދިޔަ ނަމަވެސް މިފަހުގެ އަހަރުތަކުގައި މަޖިލީހުން ކޮށްދެމުން ދިޔަ ކަމެއް ނޫން ކަމަށެވެ.
