އެއްގަމު އުޅަނދުގެ ލައިސެން ދޫކުރުމުގެ ހުއްދަ އިތުރު 10 ރަށަކަށް

އެއްގަމު އުޅަނދުފަހަރު ދުއްވުމުގެ ލައިސެންސް ދޫކުރުމުގެ ހުއްދަ އިތުރު 10 ރަށަކަށް ޓްރާންސްޕޯޓް މިނިސްޓްރީން ދީފިއެވެ. އެ މިނިސްޓްރީން ބުނީ އަލަށް ހުއްދަ ދިން ސެންޓަރުތަކާ އެކު ޖުމުލަ 39 ސެންޓަރަކަށް ލައިސަންސް ދޫކުރުމުގެ ހުއްދަ ދޫކޮށްފައިވާ ކަމަށެވެ. ލައިސަންސް ދޫކުރުމަށް އަލަށް ހުއްދަ ދިން 10 ސެންޓަރު: ހއ. މޮޅަދޫ ކައުންސިލް ހއ. އިހަވަންދޫ ކައުންސިލް ހއ. ކެލާ ކައުންސިލް ބ. ކެންދޫ ކައުންސިލް ވ. އަތޮޅު ކައުންސިލް ރ. ހުޅުދުއްފާރު ކައުންސިލް ތ. ވިލުފުށީ ކައުންސިލް ފ. ދަރަނބޫދޫ ކައުންސިލް މ. ދިއްގަރު ކައުންސިލް ގދ. ގައްދޫ ކައުންސިލް އަދި އިތުރު ސެންޓަރުތަކުންވެސް ލައިސަންސް ދޫކުރުމުގެ ހުއްދައަށް އެދުމުން އޮންނަ އުސޫލްގެ ދަށުން ލައިސަންސް ދޫކުރުމުގެ ހުއްދަ ދެމުން ގެންދާނެކަމަށްވެސް އެ މިނިސްޓްރީން ބުންޏެވެ.