ބޭންކް އޮފް މޯލްޑިވްސްގެ ސީއީއޯގެ މަގާމަށް އެބޭންކުގެ ކުރީގެ ޑެޕިއުޓީ ސީއީއޯ މުހައްމަދު ޝަރީފް ކުރިމަތިލައިފި

ބޭންކް އޮފް މޯލްޑިވްސް ގެ ސީއީއޯގެ މަގާމުގައި ހުންނެވި ކާލް މިދިޔަ މަހު އިސްތިއުފާ ދިނުމާ ގުޅިގެން އެ ބޭންކުގެ ސީއީއޯ ގެ މަގާމަށް ކރިމަތިލުމަށް ހުޅުވާލާފައިވާ ސުންގަނޑި އިއްޔެ ހަމަވިއިރު އެ ބޭންކުގެ ސީއީއޯގެ މަގާމަށް އެ ބޭންކުގެ ޑެޕިއުޓީ ސީއީއޯ ގެ މަގާމު ކުރިން މަސައްކަތް ކޮށްފައިވާ މުހައްމަދު ޝަރީފް ކުރިމަތިލައވައިފިއެވެ. މައުލޫމާތު ލިބިފައިވާ ގޮތުގައި ޝަރީފް އަކީ އެ ބޭންކުގައި 25 އަހަރަށް ވުރެ ގިނަ ދުވަހު ހިދުމަތް ކުރައްވާފައިވާ ބޭފުޅެކެވެ. އެ ބޭންކުން ޝަރީފް އިސްތިއުފާ ދެއްވާފައިވަނީ 2020 ވަނަ އަހަރު އެވެ. ބީއެމްއެލްގެ ސީއީއޯގެ މަގާމު ހުސްވީ އެ މަގާމުގައި ކުރިން ހުންނެވި ކާލް ސްޓުމްކަ މިދިޔަ ސެޕްޓެމްބަރ މަހުގެ 9 ގައި އިސްތިއުފާ ދެއްވުމުމާ ގުޅިގެންނެވެ. ކާލް ސްޓުމްކަ އިސްތިއުފާ ދެއްވާފައިވަނީ އެ ބޭންކުން ކާޑް ލިމިޓަށް ގެނައި ބަދަލުތަކާ ގުޅިގެން މާލީ ބަގާވާތެއް ގެންނަން އެ ބޭންކުން މަސައްކަތް ކޮށްފައިވާކަމަށް ތުހުމަތުކޮށް ތަހުގީގެއް ފަށާފައިވަނިކޮށެވެ.